:ويلكم 1:

حبيبتى بنت فلسطين قصيدتك جميلة اوى وقرأتها بأهتمام من جوايا بس لى رائى ممكن أقوله ؟

حبيبتى الحب لا يلتقى أبداً مع الكره ومافيش حد بيحب حد بالدرجة دى كلها وتكرهه ، زى الخير والشر عمرهم ما يلتقوا أبداً فى مكان واحد يعنى لو عملتى خير أو معروف مع حد تعرفيه و اتفهم بطريقة تانية واتقلب من الطرف التانى بنكران للمعروف ورد فعله الشر عمرك ما هاتكرهيه لكن هاتقولى انا بحتقرته للسبب دة لأنه ماقدرش موقفك او الخير او المعروف اللى عملتيه علشانه لكن مش هاتكرهيه لأن هاتقولى مش مايستاهلش لا الحب ولا الكره عادى يعنى من غير أى اهميه صح.

رد الفعل للحب بالعكس هو الأحتقار ومع الأيام الفتور العاطفى اتجاه الشخص دة لكن مستحيل نقدر نكرهه لأن فى يوم من الأيام كنا بنحمل له أجمل أحساس فى قلوبنا .

دا اللى اقصد اقوله الحب بيتبعه ويكمله دايماً الغيرة ودة باين فى الجزء دة من القصيدة.

أكرهك حينما تلتفت لغير عيوني
وأكرهك حينا تغرق في بحر عيوني
دون كلمة أحبك تهمسها لقلبي

أكرهك إن لحظة عني انشغلت
أو برهة عني ابتعدت

دة الحب الحقيقى الغيرة والعتاب بأستمرار والأنانية والخوف .

ولو هو ماقدرش دة مش بتكرهيه لكن بتحتقريه اقصد بتحتقرى عدم اهتمامه وتصرفه الغير متوقع فى نظرك لكن بياخد وقت لما تعرفى تبعدى عنه وأمتى تكرهى واحد لو انتى ما بتحبهوش من الأساس ومش بتطيقى حتى اسمه او سيرته وحد هايتكلم عنه وهو بيحاول يفرض عليكى نفسه ساعتها عايزة تقولى للكل انا بكرهه ومش عايزة ولا طايقة اشوفه ولا اسمع اسمه دة الكرهه لشخص غير مرغوب فيه ولا فى وجوده.

يعنى فى رائى القصيدة دى تكون اسمها أغار عليك .. لأنى أحبك

وعلى كل الأحوال فهى مشاعر مرهفة وجميلة ورقيقة وحساسة وربنا يسعدك ويوفقك يارب وتمتعى كل اللى بيحبوكى بالمزيد دايماً من مختاراتك الشعرية الرائعة.
:قلب 2: