عارفة يا حبيبتى يابنت فلسطين وكمان عهود واتمنى اناديلكم بأسمكم بس الأنسان هو القلب الطيب والاسم مجرد رمز فأنا بحس ان بكلم قلوب شفافة ورقيقة ومرهفة الأحساس اختيار الشعر أشتقت لك له معنى عندى كبير أوى الأشتياق مش بس مابيكون لحبيب معين اقصد راجل بس كل كلمة فى الشعر دة بيعبر عن أشتياقى لأمى وانا جوايا صراخ واقول فى نفسى ياترى هى مش سمعانى ولا حاسة بيا كل كلمة مكتوبة فى الشعر بتعبر عن اللى جوايا أنا بس ناحية ماما الله يرحمها ربنا يسعدكم ويسعدوا بكم باباكم ومامتكم ويخليكم لبعض دايماً يارب .

على فكرة يا اعز أصدقاء كتير ما بنحسش بأهلنا وهما موجودين وندلع عليهم زى مابيقولوا ، سواء بالكلام او الصوت العالى احياناً أو الأعتراض وللأسف مابنحسش بقيمتهم الكبيرة أوى الا بعد ماينفعش الندم او حتى كلمة ياريت كنت عارفة ان ماما هاتموت فى مدة قصيرة وهى كمان كانت حاسة من تصرفاتنا بس كنت اقول كلام الدكاترة غلط ماما كويسة ونتكلم عن الموت انا وهى كأن ماما هاتسافر تسلم على حد من قرايبها وهاترجع تحكيلى زى عادتنا مع بعض وتقولى ان لها ناس هناك تعرفهم وبيجولها فى الحلم ياخدوها ونتكلم عادى بس لحظة الفراق صرخة قلب مالهاش وصف ياريت كل أبن يحب باباه ومامته أكتر من كدة بكتير علشان على الأقل مايفتش الأوان لكلمة ياريتنى ماعملتش معاه كدة او على الأقل يحس ان ضميره مستريح من ناحية الوالدين لأن حياتهم قصيرة جداً واحنا فاكرينها طويلة وكله الا عقوق الوالدين لأنها من الكبائر وربنا يسعدكم ويسعدوا بكم الأهل يارب.

:اذكر الله:

حاسة بألمك يا نسرين اوى وعارفة اد ايه انتى مشتاقة لرؤية الحبيبة الغالية

هونى على نفسك وصبرى نفسك بالدعاء لها

ومهما طال بنا العمر فاللقاء اكيد فى جنة الفردوس مع من نحبهم وافتقدناهم

بأذن الله تعالى

لو تقدرى تعمللها عمرة ان شاء الله وربنا يكتبهالك بأذن الله ده هيبرد قلبك كتير

ربنا يصبرك على الفراق يا حبيبة قلبى

--------------

بنت فلسطين بل يا قمر فلسطين اشعارك هوستنى وجننتنى بجد

انتى جميلة اوى وكلامك بيدخل القلب بسهولة يا قمر

ربنا يبارك فيكى

الله يا رب يا نسرين يكون معاكي ومع كل انسان بفقد عزيز وغالي على قلبة وعلى فكرة انا اسمي الحقيقي (ميرنا).
وربنا ييسرلك الخير دايماً واحنا بنحبك والله

ويا قلبي يا عهود (انتي غالية ورح تضلي غالية على قلبي مهما طال الزمان)