:ويلكم 2:
بفكر في اللي ناسيني وانسا اللي فاكرني واهرب من اللي شاريني وادور علي اللي بايعني
:قلب:
دى كلمات أغنية جميلة للفنان محمد عبد المطلب ربنا يرحمه بس المهم من الأغنية الكلمات دى عجبتنى أوى و حسيت انها ممكن تكون بداية لموضوع مهم فى حياتنا وبأستمرار الحياة وخصوصاً الشباب أو الكبار كل البشر لهم قلوب ولهم تصرفاتهم المختلفة.
فى حياة كل شاب وشابة بيتمنوا يلاقوا الحب اللى طول عمرهم يدوروا عليه، فيه اشخاص اللى بنهتم بيه ويهملنا ونتعذب و فيه اللى بيهملنا بيهتم بأشخاص تانية بنفس اللى نتمناه انهم يحسوه ناحيتنا ويمكن بيضحوا ويشكوا ويبكوا على الأطلال من فرط حبهم ويمكن غيرهم مش حاسين بيهم وبمشاعرهم هما كمان أو يمكن حاسيين ومش مهتمين بالقدر اللى يتمنوه اتجاههم.
الغريبة فى كلمات الأغنية بيقول وبهرب من اللى شارينى واحنا فى الزمن دة معظم الناس بيشتروا بعض بس بالكلام والمعظم التانى الفعل بعيد عن تفكيرهم او بمعنى أصح الأصول يفكروا فيه بس لأخواتهم واولادهم ومايعتبروهاش حق للغريب انه يفكر ازاى يتقى الله فى اللى اشتراه وأتمناه واستكتر الحب على نفسه وهو فعلاً مايستحقهوش بس حظ اللى حبه انه حب انسان مايستاهلش الحب مع أحترامى لأن لو كان يستاهله كان احترمه وقدره وكان بقى واضح وصريح من البدايه ومايخدعش حد.
ليه نهرب من اللى يحبونا وندور على التعب والشقاء مع اشخاص مش قادرة تحبنا او تحمل لنا نفس مشاعرنا ياترى دة قدر ولا نصيب اننا ندخل دوامة الحب من اوسع ابوابه
وليه اللى يبعنا نلاقى له مليون مبرر وسبب وحجة لصالحهم ونقول له العذر دا له فلسفة فى الحب بحترمها وبتمنى رضاه ياترى الحب عطاء وحنان ولهفة وأحساس متبادل ومعنى مالوش وصف ولا فى الزمن دة بيع وشراء واللى معاه اكتر يكسب.
ولا سذاجة للى يحب من قلبه وبضمير والشاطر الناصح اللى ياخد باله ان مايقعش فى فخ النصب والكدب والخداع والمراوغة لأن الطيبة فى الزمن دة اتفسر بأنه عبط وسذاجة وياما لسة هانسمع ونشوف فى الدنيا ومن كلمات الأغانى نتعلم أو نشوف حالنا من خلالها وشكراً لحضراتكم ولخالد رئيس الموقع :شكر وتقدير: .
:ثثث:
الرئيسية 
