يعني إيه إنك سجين ؟؟



يعني ايه انك سجين ؟؟

يعني ايه بينك وبين كل البشر…
ميت باب وباب ؟؟

كله حجر !!
يعني ايه ان الحبيب ..
او الحبيبة ..
هما ساعتين بالتمام ..
وبعدين فراااق ؟؟

يعني ايه اكلك عدم
..
شربك عدم
..
نومك عدم
..

يعني ايه تبقى اقل من كل البشر ؟؟

رغم انك فوق الوف من البشر ؟؟

يعني ايه انك تمسي على العذاب ..
كل يوم ..
يعني ايه انك تحس الكهربا ..

جوا عروقك كلها ..
جلسة عذاب …

يعني ايه مية مجاري ..

وانته في سجودك .. تملا المكان للركب ..
يعني ايه انك رجل ..

ارجل رجل ..
والاسم دايما يا بهية يا سمية ..
مش مهم

المهم انك مهان ..
مش بشر ..
وانته المهاب ..
انته الاسد ..
بس انزرع كفك في نار ..
يعني ايه ان حياتك تتسرق ..
ادام عينيك ..
عمرك يضيع بين حيطان ..

من الحجر ..
يومك فزع ..
ضهرك خريطة من الهموم ..
كرباج حقير انهار عليه ..
انسان حقير ..
لا .. ده مش بشر ..

يا حبيبي المعتقل
..
سنة اله كل البشر
..
النصر ده شئ من امل
..
فوق الجباال
..
لازم هنتعب
.. او نموت ..
بس هنمهد طريق
وهيجي يوم


ونحس بالنصر المظفر
ونبقى فوق كل الامم