لسه عايش


لما يجي اليوم تحس فيه انك موجوع اوي
موجوع لدرجة لا انت قادر تبكي ولا حتى تاخد نفسك
لما تحس انك جبت اخرك
و حاربت لاخر نقطة دم
و خلصت كل حاجة
و تعبت درجة انك عايز تقع في مكانك
و مش قادر لانك حاسس انك عامل زي عامود المسلح
لكنك ضعيف
لما الهوا يعدي علينا و منحسهوش
و ندور على الحلو و ما نلاقيهوش
و نموت بالبطيء و احنا واقفين مطارحنا
و نموت مليون مرة جوانا قبا ما نموت في قبورنا
و تروح الالوان
و تفضل تجري لحد ما تتشل
و تدور....
تدور على حضن من غير اسئلة
تدور على رجلين تنام عيهم من غير مسؤلية
تدور و ماتلاقيش
لو حسيت بده
اعرف
انك لسه عايش