احذروا تسخين الخبز على النار مباشرة

انا كنت حاسة ان تسخين العيش على نار مباشرة غلط بس الحل دة مش الكل هايقدر يعمله على ما اعتقد بس مافيش حل

وسط اسهل بحيث يسخن العيش بطريقة صحيحة وما تأذيش الصحة ، اصل مش معقولة كل رغيف يتسخن فى أى وقت

لازم نغلى المية لدرجة الغليان وازاى هايتسخن على قدر يحتوى على ماء لدرجة الغليان والميكرويف مش كل البيوت

المصرية بتقدر تجيبه مافيش حل تانى ؟


:شكر وتقدير:

ما احنا طول عمرنا بنسخة كده واهلنا من قبلنا ولا بجري اي حاجه هو اه غلط بس يعني الناس زي الفل وبعدين احنا المصرين معدتنا تطحن الحجر...

:تسلم 2: يانسرينة وسبيها على الله هو اللى انا اعرفة وعلى


طول ماما تقولهولى ان العيش المحروق مش حلو بيجيب أمراض


طب ما احنا بناكل الخضار وكلة كيماوى والحمد الله احنا اللى نقدر نعمل نسمى بالله ونتوكل علية


ميرسى ياقمر على خوفك علينا

متشكرة يا محمود على ردك وعندك حق طول عمرنا بنسخنة على النار اشمعنى دلوقتى اللى هانحطه على مية بتغلى

والمصريين كلهم ممشينها بالبركة وربنا وحده اللى بيسترها .


متشكرة يا حبيبة قلبى يا سمسمة ماما كمان كانت دايماً تقولى ماتكليش العيش المحروق غلط والخضار على رأيك كله

كيمياويات وتلوث البيئة اللى مالوش نهاية ومش كل الناس بتمرض منه نفس الأكل اللى ماما كانت بتعمله وكانت الله

يرحمها نضيفة جداً وتخاف من الأمراض ماما جالها سرطان وبابا اكبر منها ومات موتة مفاجأة فى رمضان بعد ما صلى

الفجر يعنى الموت مش محتاج للأسباب لو خوفنا من الأكل والطرق الصحيحة والغير صحيحة هانموت من الخوف مش

من الآكل وعلى رأيك يا سمسمة نسمى بسم الله ونتوكل على اللى واللى كاتبه ربنا عمرنا ما هانهرب منه أبداً.

متشكرة لردودكم الجميلة وشرفتونى بوجودكم معايا.


:شكر وتقدير: