أمتي بتحس نفسك كيس جوافة؟؟؟
ملحوظة: كيس الجوافة تعبير
مشابه لزى الأطرش في الزفة
ولكنه يحتوى على تعبيرات أقوى
فكيس الجوافة ناشف متماسك تحطه يمين تلاقيه ييمن شمال تلاقيه شمال
ثابت مستقر لا يدوب أو يذوب!!!!!!'
الجوافة فاكه رخيصة بجنيه الكيلو أو اقل بكتير كيس الجوافة حطه مكان متحطه
محدش حيهتم بيه ولا يعبره
عكس أخته المنجا وبنت خالته الفراولة اللي تكاد توشك تشيلها في عيونك مش في كيس
بكتب للكم الموضوع دة لأنى بعد شهر حبقى كيس جوافة زى كل سنه
بما أنى كنت كتير كيس جوافة يعنى مش أول مره يعنى
الموقف إلى حبقى فيه كيس جوافة
ماى فازر= أبويا يعنى
بيشتغل في الجرانيت والرخام والحجات الحجرية دي المهم بيعملو دايما مهرجان سنوي اسمه السمبوزيم
لنحاتين الحجرين بتوع العالم كلهم يعنى من كل الجنسيات عرب وأجانب المهم كلهم نحاتين
طبعا يوم المهرجان لازم أبويا يروح ومعاه ماى مازر=ماما يعنى
وأنا الدوتر =بنته يعنى ومفروض كمان اختى بس لوكانت فاضيه واخويا مسافر المهم
أول لما أروح وندخل نبتدى موجة السلامات المعتادة اللي من السنة للسنة وفاكرنى ويو ريميمبر مى
واااااااااااااااو أتس بيوتيفول
وندرفول
هما دول الكلمات اللي اعرفهم في الانجليزى
وفجأه تلاقى بابا معاه واحد فنان نحت فرنساوى وبابا بيتكلم معاه ويحكى ويلت ويعجن وكئنه مولود في فرنسا
وأنا أبتسم ابتسامه الجوافة
وارد
ب(وى+ نوووو +تغى بيان +مغسى بكو +سفا بيان)ا
هم دول برضه اللي اعرفهم في الفرنساوى
ثم انطلق زاجره على أسنانى لأنى زى كيس الجوافة
ألاقى ماى مازر قاعدة مع نحاته ايطاليه وعماليين يحكو ويحكو
أراهنكم أنها أكيد بتقولها طريقه عمل البيتزا أو كلنولى
طبعا أرد بابتسامه جوفايه حمضانه
ب(كوم ستاى + فبينا جراتسى +ايتو بينيسما+اريفدرتشى +تشاو)ا
وشكر الله سعيكم
قعدت قعدت كيس جوافة لا بيهش ولاينش
أده فنانه اسبانيه
أحمدك يارب أخيرا كيس الجوافة حيثبت قيمته
(كومو استث + بينه جراسيس+اينكنتاداو ايخبتو )ا
وفجأة الست الاسبانيه دي
تنطلق في الكلام زى الحصان في السباق الخيل
كأن عمرها متكلمت قبل كده في حيتها
ياستى يهديكى يرضيكى اسكتى شويه
الله يخليكى براحه
وحده واحده
واحده وحده
شويه شويه
مفيش فايده
كنا في المدرسة فكرين نفسنا فحول في الاسبانى اكتشفت إننا كنا بنتكلم ا أبجديه الاسبانى
أو تعليم اللغة الاسبانيه للأخوة متحدى الاعاقه
كلمه جراسيس
بقولها في دقيقه كاملة
الست قلتلى منهج سنه كاملة في 3 دقايق
طبعا كيس الجوافة ده بقى عصير
وكمان عصير ماسخ من غير لبن ولا سكر
بجمله
سورى ايدونت سبيك انجلش
سورى ايدون سبيك فرنش
سورى أي دونت سبيك اى لغه فى العالم
لقيت نحاته جزائرية شكلها عربي انطلقت عليها
لقيتها بتتكلم مع كل الناس فرنساوى
يعنى يا فرحه متمت خدتها اللنجويتش وطارت بعيد
كيس الجوافة ادلق اتفرشح اتفعص
طلعت يومها وناوبت
أنى لازم أتعلم انجليزى ولازم اراجع على الاسبانى عشان نسيته
وادينى اهه بعرف إن السمبزيوم قرب
وأنا لا أتعلمت انجليزى ولا اسبانى
ولا حتى عرفه اكتب عربي كويس
يحسرتى عليا
كيس الجوافة
الرئيسية 
