يــــا مــن تبحث عن انســان يفهمك

:ويلكم 2:


هــل تبحث عن انسان ؟؟!!
:قلووووووووووب:

إنسان بمعنى كلمة الانسانيه؟؟ إنسان يكون صادقا معك ..

مخلصا لا يلتفت الى سواك لايبدلك بين عشية وضحاها كما تبدل الملابس والاثواب

انسان يضحي من اجلك،، ويبحث بأي وسيلة عن ارضائك واسعادك ..

يصبر على سيئات طباعك ..

يفهمك ويحس بك ..

تجده عندما تحتاجه الى جانبك،،

يساعدك حتى بالانصات الى همومك دون تعب او ملل ..

انسان يمسح دمعتك قبل سقوطها على وجنتيك ..

انسان تعرف انك تعني له الكثير وانه لن يعوضك بكنوز الدنيا كلها ..

انسان يحبك بصدق ..

لكن

قبل أن تبحث عن كل هذه المواصفات ..

وقبل ان تميز بين هذا الانسان او ذاك ..

هل بحثت عن نفس الشيء في داخلك ..


هل تساءلت عن امكانية ان تكون لديك انت نفس ميزات الشخص الذي تبحث عنه؟

هل أنت ذلك الصادق المخلص المضحي ؟؟

هل انت ذلك المعطي بلا حدود و لا كلل؟؟

هل انت ذلك المحب الصادق؟؟

تبحث دائما عن الأفضل لكن إبحثه في داخلك أولاً

قبل أن تغوص في اعماق مشاعر المحيطين بك، وتقيم ميزاتهم وعيوبهم

إسبح في داخلك لتكتشف أعماقك ..

أصلح جوهرك ومعدنك العميق

قبل أن تنشد ذلك في غيرك

لو ان كل انسان بحث عن هذه المواصفات بداخله قبل ان يبحث عنها فيمن حوله

لأستقامت أمور كثيره،،و لتحسنت علاقاتنا الاجتماعيه الى حد كبير....



*همسه أخيره*

"لاتقل اني حاولت ان اكون كذلك لكن المجتمع سيء

حاول وحاول


فبالتأكيد ستجد من يفهمك

وسيجدك هو ايضا لتفهمه

:شكر وتقدير:

موضوع جميل جدا :يعطيك العافيه:

حب نفسك كى تسطتيع تحب الاخرين

:ويلكم 1:


متشكرة يا خوخة يا حبيبتى على الرد .

حب نفسك كى تسطتيع تحب الاخرين.

عندك حق بس افرضى ان انسان حظه فى الدنيا سىء ودة وارد ان يكون جواه حب للأخرين وماقدروش حبه لهم وحاول معاهم يبقى العيب فى مين فى حبه لنفسه اللى ممكن يتفهم انه يا أما انانية لأنه بيحب نفسه ولا اللى بيحب نفسه علشان جواه حب للأخرين ومتسامح مع نفسه فابيتسامح مع الآخرين بقدر معين علشان بيحب نفسه فعرف يحب الآخرين.

ياترى يعيش علشان نفسه ولا يرضى الآخرين على حساب نفسه.

:شكر وتقدير:

هو الحب اية معنى كتير من ضمنها التضحية الحنان العطاء الوفاء الاخلاص ومعانى حلو كتير جميلة انا لو معنديش كل دول هاقدر اديها لحد من اللى حواليه لاء المقصود مش حب النفس لاء حب ما بداخل النفس انا لو عرفت احب صفاتى وعندى القدرة على اشيئ كتير زى التسامح والعطاء والتضحية هاقدر اسعد واحب الناس اللى حوالية فهمتينى

لومعشتش لنفسى ابقى كدا ميتة فاعمرى ماهعيش لغيرى.

:يا هلا:


طيب افرضى اللى حواليكى ماقدروش كل دول هاتعملى ايه.

عارفة فى رائى ان العيب مش فيا أكيد العيب فى معظم اللى حواليا صعب نجمع الكل لكن ممكن بسبب عادات وتقاليد وبيئة وظروف حياة اجبرتهم على المعاملة بقسوة ونفاق ورياء وصعب تجبرى عليهم حبك وأحساسك علشان يقدروه ويحسوه مش هايفهموه أصلاً يبقى لازم ندور فى مكان تانى أو فى المكان الصحيح يمكن نلاقى اللى يفهمنا ويقدر قيمة الحب والعطاء وكل المعانى الجميلة اللى قولتيها ، فيه مقولة بتقول أرض الله واسعة يعنى اكيد اللى بندور عليه فى مكان ومالقناهوش ممكن نلاقيه عند ناس تانية فى مكان تانى يمكن عندهم اللى أكتر ما كنا نتمنى المهم ما نيأسش أبداً طول ما أحنا عايشين فى الحياة .

وشكراً لذوقك يا حبيبتى انا بحترمك وبقدرك.

:قلب 2:

المفروض الانسان يفهم نفسه ويبقى واضح وصريح مع نفسه وصادق كمان

عشان يقدر يفهم هو عاوز ايه بالضبط

ويبتدى يدور على الصفات اللى توافق شخصيته وسط كل الناس

والمفروض اشوف عيوبى قبل ما اشوف مميزاتى

عشان زى ما لنا عيون تشوف عيوب الناس بردو الناس لها عيون تشوف عيوبنا

لو عرفنا حقيقة نفسنا صح هنعرف نختار صح

لو عرفنا اللى علينا الاول هنعرف اللى لينا

شكرا يا نسرين على موضوعك الجميل

:ويلكم 2:

وانا متشكرة ليكى يا عهود على ردك الجميل بجد كلامك جميل اوى وبيعجبنى ردك دايماً اللى بيقنعنى كأنك بتقولى اللى جوايا وكمان بتضيفى عليه اللى مابكونش واخدة بالى منه والله بستفيد من ارئك انتى والله لذيذة اوى ورقيقة جداً والكل فى المنتدى بيحبك انتى وخوخة اسكندرية وبنت فلسطين وأنا كمان بالأخص وربنا يسعدكم يارب ويوفقكم للخير دايماً .

:شكر وتقدير:

طب بحبك اوى بقى بجد

:ويلكم 2:


وانا كمان بحبك والله من قلبى لأنك رقيقة اوى وعقلك كبير وبحترمك جداً وبحب كل

:قلب 2:

كلامك وموضوعاتك الجميلة القوية وربنا يسعدك ويوفقك دايماً يا أغلى عهود فى الدنيا

أنتى وكل اخواتنا فى الموقع.


:شكر وتقدير:

:قلووووووووووب: وانا كمان بحبكم انتم الاتنين :قلووووووووووب:

*انا بابا كان على طول يقولى متعمليش الناس بمعملتهم
انا عن نفسى لما حد يجرحنى ويزعلنى بكون صريحة معاه بس بتحصل مشكلة انهم بيفتكرو ان انا بجرح فيهم او بتخانق معاهم بس بالعكس انا بعرفهم انا لية زعلانة منهم عشان اقدر اتعامل معاهم بعد كدا ( وكل واحد ولية طريقة بيتعامل مع الناس بيها) بصراحة انا مرتاحة بطرقتى وبكون عندى القدرة على انى اتعامل معاهم تانى بس فى منهم مش بتقبل كدا يعنى بيزعل منى اوى

*وبعدين لازم نتقبل اى شئ من اللى حولينى عشان نقدر نعيش ونتعايش معاهم

:ويلكم 2:


حبيبة قلبى خوخة انا كان دايماً بابا الله يرحمة يقولى خدى الناس على علاتها وبصراحة لغاية ما مات مش عارفة يعنى ايه اخد الناس على علاتهم وحسيت ان كلمة باباكى تشبة لكلمة بابا ان ما أعملش الناس بمعملتهم بس تقريباً بابا يقصد اعامل كل انسان على أد عقله علشان اريحه واستريح بصراحة احنا مانعرفش نعامل كل انسان بمعاملته بنحس انه بيلغى شخصيتنا اللى اخترناها لنفسنا بس بصراحة احياناً بيكون فينا عيوب فى شخصيتنا ومقتنعين بيها أو مش شايفنها وبنجادل ولما بيحاول حد بيحبنا يلفت نظرنا لها يمكن احياناً كبريائنا بيجهلها او بيتجاهلها بس كله حسب نوع التوجيه والأسلوب اللى يدخلنا من نقطة ضعفنا ويوصلهولنا بطريقتنا احنا مش بطريقته هو ودة اللى بيصدمنا كتير فى الحياة أن مش كل البشر طريقتهم واحدة بس المهم علشان المركب تمشى نكون مرنين شوية ونعدى بعض المواقف اللى ماتكونش على حساب كرامتنا وكبريائنا ونعمل زى ما بابا بيقول ناخد كل واحد على أد عقله ساعتها هانرتاح ونريح بس للأسف دة ماينفعش مع كل الناس من وجهة نظرنا ودة اللى بيتعبنا أحنا. :شكر وتقدير:

ميرسيى يانسرين على كلامك انتى عندك حق خصوصا فى الزمن دة ويارب يعطينى القدرة على التسامح والرضا ويبعد اى شر عنا



:انت: