ياترى البعيد عن العين بعيد عن القلب ؟

:يا هلا:

ياترى صحيح البعيد عن العين بعيد عن القلب ولا الكلام دة مش صحيح ؟

فى رائى الشخصى مش صحيح طبعاً.

:قلووووووووووب:

لأن دايما ماما الله يرحمها كانت تقولى يا بنتى الطفل وهو جنين الأم بتشوفه بقلبها قبل عينيها.

ولما الأبن بيكبر ويروح المدرسة مش بمجرد ما يبعد شوية عن أهله بينسوه بالعكس بيشتاقوا لشقاوته وفى نظرهم أحسن من اولاد الدنيا كلها.

ولما بيروح الجامعة سواء جوة مدينته أو برة المدينة دايماً الأهتمام بالسؤال عليه بلهفة وخوف وأن ماكنش فيه اهتمام من أهلهم بالطريقة اللى يتمنها فبيظهر جواه مشاعر جميلة لأنسانة عزيزة على قلبه أو العكس لو بنت وبيكبر الأحساس لحب جواه ويحس وهى قدامه أو حتى لما تفارقة وكل واحد يرجع لبيته حاسس بيها أكتر من كل بنات الدنيا ولو شاف أجمل بنت فى العالم حبيبته فى نظره هى اجمل من كل بنات العالم فى كل حاجة .

ولو الحبيب مش موجود وفارقنا لأى سبب من الأسباب بيفضل الحب محتفظ بمكانه فى القلب ومافيش قوة تقدرتغيره و تملاه بنفس الحب والأحساس اللى كانوا موجودين بس ممكن بعوامل الزمن يقل حسب طريقة الفراق او يعوضه ربنا بحب تانى يعوض احساس الفشل بالنجاح والأستمرار دة طبع الحياة وكمان الحب يرقق المشاعر ويغير كل تصرفاته حتى ولو الطرف التانى مش موجود جنبه وفى مكان تانى او حتى مش فى نفس البلد كلها وسافر بعيد او فى رحلة مع الأهل وراجع بيفضل الأنتظار والشوق والحنين ولحظات الأنتظار صعبة أكتر لو الأنسان دة موجود جنبنا بأستمرار .

يمكن لو موجود قدام عينينا الخلافات بتزيد انما فى البعد الحنين والشوق والأحساس باشتياقنا للطرف الثانى بيزيد أكتر.

ممكن نحب اشخاص عن طريق التليفون او عن طريق كتاباته أو ارائه المتميزة أوسيرته حد اتكلم عن شخص بأسلوب أثار الأعجاب أو صورة او فنان مشهور او أانسان رياضى أو الأنترنت وأحساس جوانا يكبر ويمكن مايكونش حاسس بينا الطرف التانى بس هنا اللى حب العين والقلب وممكن يكون حب وقتى او حسب مرحلة العمر والمراهقة او الأحساس بتمنى الشخص دة لأسلوبه لكنه بيكون سببه الأساس القلب قبل العين حتى ولو فيه رأى قال العكس واجابتى لأن العين بتسمع كتير وبتشوف صور لناس كتيرة لكن ماحستش الا بالشخص دة بالذات بيبقى احساس القلب بالراحة وممكن مع الوقت يزيد ويوصل للجنون لو ربنا ستر.

ممكن نحب وجود اشخاص اتعودنا اننا نشوفهم والتعود غير الحب لكن فيهم ناس لما تتعود عينينا تشوفهم وبعد فترة بعدوا بننساهم لأنهم مش موجودين فى قلوبنا.

لكن فيه ناس لما يوصلوا لمرحلة قوية فى القلب صعب ننساهم لو مرت علينا سنين عمرنا ، ويمكن نكون بندور عليهم بين الناس وفى عيون الناس ولو بكلمة عنهم تطمنا عليهم أو حتى على سبيل الفضول.

:قلب 2:

الحب أحساس جميل والأجمل منه ان الحبيب والمحبوب مايفترقوش لأخر يوم فى العمر ويكونوا مع بعض دايماً بالقلب والعين وربنا يسعد الجميع يارب.

وسلامى لخالد " رئيس الموقع "

:شكراً:

الحب أحساس جميل والأجمل منه ان الحبيب والمحبوب مايفترقوش لأخر يوم فى العمر ويكونوا مع بعض دايماً بالقلب والعين وربنا يسعد الجميع يارب.
انا بضم صوتي لصوتك وربنا يوفق الجميع
مشاعر حلوة واحساس مرهف يا nadanook والله يعطيكي مرادك
:تسلم:

أنتى اللى مشاعرك جميلة اوى يا بنت فلسطين .

ومايحسش بالأنسان الا اذا كان عنده مشاعر جميلة ورقة احساس عالى.

أنا معجبة جداً باللى بتكتبيه وعجبنى الشعر اللى بتكتبيه راقى ومستواه متميز وربنا يوفقك ويعطيكى كل اللى بتتمنيه فى حياتك كلها انتى وكل الناس يارب.

سلامى لكل رؤساء وأعضاء المنتدى ولكى انتى وعهود سلامى الخاص اتشرفت بيكم اصدقاء غالين عليا.

وسلامى لخالد ان شاء الله يرجع المنتدى ولأصدقائه واللى بيحبوه اكيد اشتاق لهم وهما كمان مستنينه ومنتظرين ردوده وابدعاته الفكرية المتميزة والجميلة ومنتظرة منك المزيد يا بنت فلسطين ووعود اقرأها ويارب يزيدك ربنا من كل شىء جميل تحبيه وتتمنيه.

:وفقكم الله:

لكن فيه ناس لما يوصلوا لمرحلة قوية فى القلب صعب ننساهم لو مرت علينا سنين عمرنا ، ويمكن نكون بندور عليهم بين الناس وفى عيون الناس ولو بكلمة عنهم تطمنا عليهم أو حتى على سبيل الفضول.


موضوع جميل وكلام اجمل وعجبنى اوى الجزء ده

المقوله دى مش صحيحة ( البعيد عن العين بعيد عن القلب )

بالعكس ممكن البعد ده بيولد حب اكبر واكبر واشتياق اكتر ولوعة مع طول الانتظار

انا اعرف حد بتحب واحد بقالها ثلاث سنوات ومش شافت حبيبها غير مرة واحدة بس

وكل يوم يزيد حبها وشوقها ليه وهو كمان

المقولة دى ممكن تتقال لناس مش فارقين معانا ومش سايبين علامة فى حياتنا

واعترض معك يا محمود

الاصحاب فى مراحل التعليم مش من السهل نسيانهم ابدا ودايما بنفتكرهم وبندور عليهم

لانهم فعلا سايبين علامة فى حياتنا

اشكرك يا nadanook

على موضوعك الجميل

:السلام :

انا معجبة بكلامك اوى يا عهود يا حبيبتى ومش غريب عليا اللى قولتيه لأنك بتعبرى عن شخصيتك الجميلة الرقيقة أوى ومتفقة معاكى فى كل كلمة ورأى محمود لازم أحترمه بس نفسى أقولك يا محمود أنا ليا صديقة من فترة الطفولة كانت معايا فى ابتدائى وكنت ومازلت بحبها برغم انها ماتت وهى فى سنة تانية أعدادى أثار حروق وعمرى دلوقتى 34 سنة ولو مائة سنة عمرها مابتغيب عن عينى ابتسامتها الجميلة ولا صوتها ولا مواقفنا مع بعض وبحلم بيها كتير اننا مع بعض وفى أوقات حزينة فى حياتى كنت بنادلها تيجى تاخدنى هى وشقيقتى الله يرحمهم قبل وفاة والدى ووالدتى.

:قلب 2:

أنا أقصد كمان الموت مافرقش بينى وبين أغلى وأعز صديقة فى حياتى اسمها سحر وهى سحرانى بحبى لها وربنا يجعلها فى اعلى درجات الجنان هى واختى وماما وبابا يارب وكل المسلمين ويجمعنى معاهم قريب يارب بس الأهم يحسن ختامنا اللى بقت فى دنيا مش سهل ناس كتيرة ربنا يحسن ختامهم باللى يرضاه ربنا لعباده اللى خلقهم علشان يرضوه فى الدنيا ويرضيهم فى الآخرة ربنا يسترها علينا من فتن الدنيا يارب ومتشكرة لردكم وذوقكم اوى وسلامى ليكم وبالتوفيق دايماً يارب.

:وفقكم الله:

:ويلكم 2:

أكيد اللى فى القلب مهما بعدوا فبيزيدوا القلب شوقاً وآلماً ووله وحنين وحزناً أكتر وهما معانا مابنحسش نحس بقيمتهم قيمتهم الحقيقية فى قلوبنا بنشوفهم وبس الا لما بيبعدوا اللى فى القلب والعقل بس هما اللى يحكموا مدى مقدارهم جوانا .

وأنا معجبة بالأمثلة اللى قولتها وضفت ليا وعندك حق أننا احببنا الأنبياء والرسل عن ظهر قلب يعنى ما شوفناهمش بعيونا لكن شوفناهم بقلوبنا الطاهرة المؤمنة وحباً لله عز وجل وكمان أعظم مثال.

الله عز وجل قلوبنا كلها تملئه نور بحب الله ونتمنى رضاه فى السر والعلانية وهو قريب لنفسنا من نفسنا وروحنا نور من روحه لكن ماشوفناش روحنا ربنا اعلم بها لكن مافيش حد مابيحبش روحه أو نفسه .

ومثالى انا أمى الغالية الحبيبة أغلى من روحى كل يوم يزيد فى فراقها بيزيد قلبى حرقة وصراخ داخلى لا يسمعه حد غيرى انا ، وهى أغلى من نفسى ولو طلبوا موتها ولا موتى اختار نفسى وأمى تعيش لكنها مقدرات ربنا ولازم نرضى باللى قسمه لنا ربنا.

القلب لما يملئه الحب عمره مابيشوف غير بقلبه وعقله اللى بيسجلوا كل الذكريات الجميلة وبس.

لكن لو العين شافت لوحدها اكيد القلب والعقل فى اجازة قصيرة .

وسلامى لكم وتمنياتى لكم بالخير والسعادة والروح الجميلة تدوم بينكم يارب ربنا يوفقكم لما يحبه ويرضاه.

:وفقكم الله: