هل ممكن يكون فيه صداقة بين راجل متجوز وانسة تبحث عن الأستقرار

عندى موضوع يمكن يكون غريب وكتير يستغربوا له بس فى الحياة بيحصل كتير!

ان تلاقى راجل متجوز ومن خلال التعامل مع الناس والعلاقات العامة تلاقيه يرتاح لأنسانة سواء سكرتيرة عنده فى المكتب او دكتور ومريضة أو ممرضة مثقفة وجميلة تكون قريبة له أو مهندس ومهندسة زميلة له فى موقع العمل أو مدرسة وزميل فى المدرسة انماط الحياة كتيرة أوى ومتنوعة .

والسؤال ياترى ممكن راجل متجوز ممكن يعتبر الأنسانة اللى ارتاح لها نفسياً وأخلاقياً وكمان ثقة فى نضجها العقلى والتفكير الجيد فى المواقف تكون صديقة خاصة له وهل لو عرض عليها الزواج بيكون زواج ناجح برغم ارتباطه بأسرته وأولاده ارتباط شديد.

ولو فشل بيكون الغلط فى الأساس وتحميل المسؤلية على مين الست ولا الراجل؟

لأنه راجل متجوز وله اسرته وحياته ليه يفكر فى انسانة تكون صديقة مش صديق له.

ولا الغلط على البنت لأنها نفسها تستقر ووجدت راحة نفسية اتجاة هذا الشخص برغم وجود أشخاص آخريين فى الحياة وفى مجال العمل مناسبين لها.

دة موضوع وأحب أخد رأيكم فيه ويارب يعجبكم.

:وفقكم الله:

:ويلكم 2:

وليه ماتكونش غرتها اشياء تانية اعتبرتها أهم من اللى يتقدمولها من سنها.

ممكن المنصب الأجتماعى والتعليمى والوظيفى للشخص دة مرموق ومغرى.

او النواحى المادية افضل بكتير من شباب فى الزمن دة.

ممكن الأحترام المتبادل بين الطرفين ربط ما بينهم وأهم شىء فى الجواز الأحترام جايز مايكونش وجده فى زوجته الأولى ووجده فى الثانية ياما فيه ستات سليطة اللسان وصعب الراجل يتحملها .

ومش كل بنت فاتها قطار الزواج تفكر فى واحد متجوز ياما فيه بنات فى سن صغيرة ويجوزوها لرجل خليجى او عربى أو واحد كبير فى السن وهما فى سن ال 16 وال 20 سنة علشان غنى وميسور الحال.

كمان لما تكون انسانة متعلمة وناضجة نظرتها للرجل بتختلف عن البنت ست البيت لأن ست البيت بترضى بأى شخص بسهولة علشان مايفوتهاش سن الجواز.

انما الست المتعلمة دائماً تنتقى فى أختياراتها وتختار الأنسان الأنسب لها من ناحية العقل والتفكير والأخلاق وعمرها هاتشترط متجوز ولا مش متجوز المهم مدى ارتباطهم ببعض.

أما بالنسبة للرجل انا معاك ان انانية منه يلفت نظر انسانة تانية غير زوجته شريكة حياته وأم اولاده لغرض فى نفسه دى انانية الراجل المشهورة عنه لكن مانظلمش لأن كل انسان وله ظروفه ومش كل راجل متجوز مابتجوزش تانى سواء انفصل أو ارمل او متجوز اكتر من واحدة وناجح جداً فى حياته.

كلها وجهات نظر بس المهم العقل اللى يعقل الأمور ويفهم صح مش السن

:00: