هقـولك نكتـه
هـقولك نـكـتـه وأنت هتضحك
وانا راح أضحك ونضحك كل القاعـديـن
كان فيه مرة ست عجوزة ف فلسطين
ساكنة ف قرية بعيده غريبة اسمها حطين
دخلوا عليها ولآد العسكر بالسكاكين
كان جريمتها وذنب حياتها ..
انها بتصلى وتدعى على الكافرين
ياله بقى اضحك وانا راح اضحك ونضحك كل القاعدين
نكته كمان
كان فيه مرة بنت صغيره ..من قرية اسمها سرنتشا
قاعده تردد غنوتها وهى فى بيتـها
جيشنا إيمان .. دينا آمان .. هندوس ع راس الظالمين
قاموا اخدوها واغتصبوها ورموها للنخاسين
ياله بقى اضحك وانا راح اضحك ونضحك كل القاعدين
اخر نكته وبعدها هسكت خالص مش هتكلم
هات سكينك واطعن فيا مش هتألم ولا هتظلم
كان فيه مرة طفل صغير زى البـدر
دبحوا عيلتـه فى ليلة غـدر
اخدوه للتل .. عاش ف الضل وشاف الذل
وفضل يدعى على الساكـتيـن
ياله بقى اضحك وانا راح اضحك ونضحك كل القاعدين
سـامى عبد المنعـم
الرئيسية 
