اعزائي .......... بجد سؤال بيفرض نفسه .. بيفرض نفسة بجد يعني مش هزار .. من غير مقدمات كدا ومن الاخر ......................:
بجد انا اعتقد ان اللي هيجاوب عالسؤال دة بصراحة يبقي شخصية شجاعة جدا..........
هل انت شايف ان انت بتمثل في تعاملك مع الناس ..وبتتقمص دور غير دورك اكتر الوقت ...؟....!!
بس كدا....سؤال عبيط زي مانتو شايفين بس انا شايف انه سبب كل مشاكلنا ... !!
تخيل انك تصاحب واحد كان متقمص دور الصديق الصدوق .. الجدع الشهم.. لحد ماصاحبته..وبعدين اكتشفت حقيقته بس خلاص بقي انت اتورطت معاه ومستحيل تسيبه ..!!!
* تخيل انك حبيت بنت ..كانت بتمثل دور سعاد حسني .او نادية لطفي ..او اي ممثلة ..الرقة والطيبة والتدين ..لغاية ما ارتبطت بيها او حبيتها..وبعدين اكتشفت ان المفروض يبقي دورها..هو نعيمة الصغير في فيلم الكتعة ..!!
* تخيل اتعاملت مع واحد فى شغلك مثلا وصارحتة بحاجات كتير ..وعرف حاجات عنك واسرار في حياتك وفأجه ..طلع بيمثل عليك ..وبقي بيهدد حياتك العملية..في اي وقت ...!!!
مثلا........مثلا ........... وخد امثلة من دي كتير ...
بصراحة كدا ومن الاخر ... عمرك مثلت علي حد ... ..ولاي درجة...وكرهت نفسك بعدها ولا لسة بتحترمها...ومثلت لأي غرض ..والتمثيل دة نفع وحققت اللي انت عايزة ولا لأ...؟ !!!
سؤال رخم وصعب .. وعايز حد يكون عنده شجاعة ادبية كافية عشان يقول ايوة انا مثلت علي ناس كتير ...!!!!!!!!!!!!!
مستنيى ردودكم... وهاعتبر ان اي مشاهدة من غير رد ...يبقي صاحبها بيمثل ... وشاف السؤال هرب ..!!!! :| :| :|
الرئيسية 
