سرقة الهويـــة او الـــتوائم؟ اللي ما يدخل بيندم شي ع

توأم بالروح.......... مع اختلاف اجناسهم

سبحان الله

سؤال الى بنوتة مصرية
هو انتى لية عديلتى الرد بتاعك واية السبب
اصل هو كان فى الاول سبحان الله بس
وفجاءة بقى تعليق يكشف عن جوانب وابعاد لاسقاطات سياسية عربية

اولا أنا لم اقصد الاساءة الى أحد
ثانيا انا كتبت مواضيع كتير وكلها ذات معنى وهدف
راجعى الموضوعات العامة وحضرتك هتعرفى المواضيع بتاعتى لكن للاسف بردة الردود بتكوت يا أما مشكور يأما مش سياق الموضوع والهدف منة
وأنا مش بنتقد لمجرد النقد أنا لما بنتقد حد بيكون على اساس مش عمال على بطال
ثم أنى مش حاجة بحولها لمغزى سياسي
لكن فعلا فى حاجات لها هذا الاسقاط وتستحق النظر لها من هذا المنظور نظرا للاحداث السياسية المعاصرة
لكن مش كل حاجة سياسة
وأنا اسف أذا كنت وجهت نقد
لكن اختلاف فى الرأى لا يفسد للود قضية وتقبلى النقد بصدر رحب
ودورى على المواضيع بتاعتى وشوفى لو فيها نقد انقدى
والردود بتاعى هى الاخرى ممكن تتعمل مواضيع وممكن
تعملى عليها النقد اللى يريحك
احنا هنا فى منتدى لطرح الاراء وعرض الافكار
وبعدين فى حاجة عايز اوضحها وهى ان
الموضوعات ذات الاسقاطات السياسية لها نوع خاص
من الدائل والبراهين الكامنة داخل الموضوع والتى من خلالها تسطيعى ان تكتشفى هل هو اسقاط ام مجرد كلام عابر او مجرد صور
هذة الدائل لابد من التأمل فى سياق الموضوع لاخراجها وعرضها ثم طرح الاسقاط بها ومناقشتة
بمعنى مش كل حاجة هتكون اسقاط زى مقلت حضرتك
واسف اذا كنت ازعجتك لكن دى مناقشة
وشكرا لكى

علي العموم يا استاذ محمود انا هراجع كل موضوعاتك وهرد عليك



ملحوظه - ابقي حسن الخط

حاضر هبقى أحسن خطى
معلش المرة دى علشان كنت بكتب بسرعة علشان المدير كان عايز منى حاجة
لكن بردة عل العموم لاتنسى كلمة
ونتظرى

ونتظرى
اوعى تنسى
ونتظرى
على الاقل خطى بسبب السرعة فى الكتابة لشئ خارج عن أرادتى
لكن لما اغلط فى الكتابة لخطاء فى النطق يبقى الموضوع
شئ تانى
ونتظرى ردى القادم
قصدى
وأنتظرى

انا هنا لن اتحدث عن شخص محمود عبد الشافى او غيره فهو اخ عزيز عليا وذو جو مميز ومختلف عن الباقى...
ولكن موضوع الردود او الاهتمام بموضوع دون الاخر فتكلمت فى هذا الموضوع من سنه واكثر من سنه مع اخ اسمه خالد فؤاد لم يعد موجود اليوم للاسف وتكلمت مع الريس خالد فى هذا ومع وائل مدبولى ومع محمد انور ومع ومع ومع ...
انا فى رأى ان المنتدى عباره عن قنوات ولكل منا قناته المفضله عن الاخر ولن استطيع ان اجعل الكل يشاركنى متعتى فى قناتى ولن يجبرونى هم على ذلك لكل منا جوه واهتمامته ...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محمود انت مميز بجوك الخاص فأستمر فيه ودع الاخرون يتميزو مثلك

يا أستاذة بنوتة
أولا شكرا للأهتمام وسرد المواضيع الخاصة بى ولكنى أرى أن حضرتك هنا تنتقدى لمجرد النقد لمجرد النقد
يعنى مثلا موضوع الله يرحمك يا أمى الصورة كانت موجودة وكون انها مش موجودة دلوقتى ده عيب فى المنتدى مش عندى مهو مش مقعول أنى أنزل موضوع
القيمة الاساسية فية صورة ومش هنزلها وبعدين أنا كلمت
الاستاذ وائل مدبولى وهو صلح العيب دة ونزل الصورة واللى هى كانت عبارة عن أم فلسطينية تحتضر بين أيدى
أبنها الصغير واللى فوجئت بعد ذلك بأحد الأخوة يقوم بعمل موضوع يتضمن تلك الصورة
ثانيا : موضوع ابا العمدة مات
أنتى تقولين أنها أنتقاص للقارئ أى انتقاص تتحدثين عنة
الحكاية هى اسقاط لما نعيشة اليوم وهى حكاية واضحة
مش لغز وعلى القارئ أن يحلل ويستنبط المغزى
دى حدوتة واضحة والقصد منها السخرية من الاوضاع المزرية التى نعيشها الأن وليس بها اى أنتقاص للقارئ كما تقولين لأن معنى كلمة أنتقاص للقارئ هو أننى اسخر من القارئ بذات نفسة ولا أحترم عقليتة وليس هذا موجود فى الموضوع
و أرجو عند النقد مراعاة أختيار كلمات النقد الموجهة ومعرفة المعنى منها
ثالثا : متجر لبيع الازواج
ده مجرد موضوع ساخر القصد منة الفكاهة ليس أكثر
وبعدين كل البنى أدمين مبيملاش عينهم غير التراب والستات هم جزء من بنى أدم
رابعا: الفرق بينا وبينهم
بردة الصورة مش موجودة لعيب فى المنتدى
وبعدين الموضوع كلة سخرية من أوضاع بردة بنعيشها
وكان عبارة عن حادث مرورى فى شوارع اليابان وبرغم عدم وجود الصورة كما تقولين الا أننى شرحت الموقف
وماذا لو حدث هذا الموقف فى شوارعنا الجميلة
ثم تقولين أن اليابان دولة كبيرة ودولة صناعية كبيرة وذات تكنولوجيا عالية
منا عارف الكلام ده كويس جدا لأنى بشتغل فى شركة يابانية وكلها يابانيين
بس أنا كنت بتكلم عن السلوك الحضارى فى التعامل وأظن أن ده لا علاقة له بالتقدم أو التأخر التكنولوجى المعاصر
دى سلوكيات أفراد وأنا كنت بقارن بين الشعب المصرى
والشعب اليابانى ولما نقول أن اليابان دولة متقدمة واحنا
لا علاقة لنا بهذا يبقى أحنا كدة زى النعام بندفن راسنا فى التراب وبنهرب من الواقع وأظن هذا هو أنتقاص للرقى بالاخلاق ولا ايه
خامسا :
أفضل طريقة لايصال الخبر السئ
لو حضرتك قرأتى كلامى كويس هتفهمى المقصد منه وهو فعلا تسلسل لامنطقى لاحداث ولكن بطريقة فكاهية وده مش عيب ولا حرام وهناك كتاب كبيرين يستخدمون هذا الاسلوب
سادسا
موضوع قصة الاعجاز العلمى فى القرأن
فعلا موضوع يقشعر له البدن لكن أنظرى الى التعليقات الموجودة
ولا تعليق

كفى هذا وفى النهاية شكرا لكى ولكن أرجو عند توجية النقد أن يكون بناء على اسس وليس لمجرد النقد

اولا هذا ليس جدال لأن الجدال يكون اسلوب الاغبياء الذين يجادلون بغير علم
وأنا على حد فهمى المحدود لست بغبى
هذا نقاش وطرح للأاراء وعرضها بطريقة حوارية ناضجة وليس جدال
ثم
انتى تقولين أننى قولت انها حكاية واضحة يبقى أين الاسقاط
اولا هناك فرق بين الاسقاطات والالغاز ودى مش لغز
يعنى لما أقول أبا العمدة حسنين مبروك مات
والناس تقول أزاى ده ثابت من ثوابت البلد اظن المعنى واضح جدا لكن فى صورة اسقاط
وكما قلت هنااااااااااك فرق كبير بين الاسقاط واللغز
ولكن الاسقاطات أنواع نوع من الممكن فهمة بسهولة من بداية الامر ونوع صعب ذو مغزى بعيد يتطلب التفكير والتحليل للاحداث
لكن هذا الاسقاط من النوع السهل اللى الناس عايشة كل يوم وداير حولنا
فاارجوا الدقة فى التعبير وطرح النقد

اما عن ماذا فعلت أنا للاوضاع المزرية فأنتى لاتعرفننى شخصيا ولست بحاجة الى الحديث عن سلوكياتى الشخصية
فانا والحمد الله بالفعل احاول ان لا اكون ضمن قافلة الهمج
واخالف النظام
اما اذا كنتى تتكلمين عن الاوضاع السياسية فهذا شأن ليس فى استطاعتى فعل شئ غير ما بقلبى وهذا اضعف الايمان
لكننى والحمد الله وبالفعل ابداء بنفسى فى تغير كل شئ الى الاحسن وانا اقصد السلوكيات الاجتماعية
اما عن المدير اليابانى
أنا لا اقصر فى عملى وأنا اساسا مدير أدارى
فأنتى تلقى بالتهم ولا تعرفى من هو الشخص المتهم
اما عن موضوع النعام ودفن الرأس انتى من قلتى ذلك
من الاخر كده انتى قولتى واحنا مالنا ومال اليابان هما فين واحنا فين
لا طبعا وجهة نظر خاطئة مليون بالمية اليابان من من حوالى 60 سنة كانوا مضروبين بالقنبلة النووية وكانوا تحت الصفر فى حين ان احنا فى الوقت ده كنا عندنا ثورة صناعية ونهضة والبلد هتتحرك دلوقتى هما سبقونا بحوالى من 40 الى 50 سنة يبقى لازم الواحد يتكلم ويقول تعالوا شوفوا الناس دى عملت اية مش ندفن راسنا فى التراب ونقول احنا فين وهما فين
ولفكرة أنا عشت مع الشعب اليابانى كتير هما ناس مؤدبين جدا جدا جدا وبحترموا النظام والعادات والتقاليد جدا جدا
لكن هما مش اذكياء ذى محنا فاهمين دول اغبياء والمصرى اذكى منهم مليون مرة لانهم المهندس مثلا اليابانى مبيفهمش أى حاجة فى الدنيا غير عملة المتخصص فية وبس ولو سألت المهندس فى أى حاجة برة مجال عملة مش هيعرف عكس المصرى
لكن هما عندهم نظاااااااااااااااااااام وأحتراااااااااااااااااام
لكن أحنا عندنا هرجلة وتهريج وعدم أحترام
وعندنا عقول بجد لكن دون تفكير سليم
لكن هما عندهم نصف عقولنا لكن بتفكير سليم
علشان كدة مش لازم ندفن راسنا فى الرمل
وتانى بقول أنا والحمد الله عندى مبادئ ومنها ابداء بنفسك
وأنا بداءت بنفسى فى حاجات كتير فبلاش تلقى بالتهم جزافا بغير علم
وفى النهاية أنا لا أجادل لأننى لست بغبى
وشكرا لكى

بنوته مصريه كتب:

الاختلاف في الرأي لايفسد للود قضيه
كلام هراء لاتصدقوه
في واقع الحال عندنا اختلاف الراي يفسد للود قضيه وقد يوصل للتصفيه الفكريه والجسديه ايضا
عبر عن راي مختلف ستجد من ينبري لك ويفند كلام ورايك ويصفك بالفسق و المجون وقد لاينتهي عند هذا الحد بل قد يصل الامر حد التكفير واهدار دمك
ليس لذنب سوى انك قلت راي مخالف لرايه
eراي قد لايخرج عن الشريعه الاسلاميه قيد انمله لكن يراه مغايرا لفكره اذن انت بنظره مجرم وفاسد وتستحق العقابلا ابالغ فيما ادعي
والامثله على ذلك في مصر كثيرة ساذكر منها على سبيل المثال لا الحصر
محاوله اغتيال نجيب محفوظ
اي مصر يعتز بشرف انتماء نجيب محفوظ الحائز على نوبل للاداب لهذه الامه
لكن كل عبقريه محفوظ لم تحمه من محاوله اغتيال كادت تودي بحياته
هل يستحق من يخالفنا الراي العداء؟

فين الرد علي كلامي هو انت بتتكلم وخلاص

اما عن موضوع اختلاف الرأى لا يفسد للود قضية بأنة خطاء
اسمحى لى بأن اقول لكى أنتى من هو الخاطئ لأن ماذكرتة انتى من محاولة اغتيال نجيب محفوظ نظرا للاختلاف رأية هذا ليس قاعدة بأن من يخالف الرأى يصفى جسديا
لأن هذا اسلوب الغوغاء والارهابيين وليس كل الناس غوغاء وارهابيين
دى اسمها شواذ للقاعدة
يعنى القاعدة هى أن الاختلاف فى الرأى لا يفسد للود قضية
مش العكس والا معنى ذلك مع اختلافى معكى فى الرأى ان اقوم بالبحث عنكى واضع قنبلة موقوتة تحت بير السلم فى منزلكم
وتقومين انتى بوضع قنبلة اخرى لى تحت مكتبى
انها مجرد مناقشات وطرح للااراء وليست بحرب

امال انا كنت برد على كلام مين
حضرتك انا اللى مستنى الرد على كلامى
وياريت بدون القاء التهم بغير علم

اعتير ده انسحاب منك
لانك تراجعتى عن كلامك
منين حضرتك كاتبة مقالة طولية كلها انتقاد لية ولسلوكى
وابداء انت الاول والكلام ده وبعد كدة تقولى تهم اية واننى مش فاهم انتى عايزة اية
وكلامى لحضرتك لم يوجد بة أى تهكم أو سخرية من افكارك لكن كان مجرد نقد واختلاف رأى
أما كلام حضرتك لية هو عبارة عن سخرية وتهكم
وده مش اسلوب حضارى للحوار
أنا واجهت النقد بتاعك لية وقلت وجهة نظرى ولم اقلل من شأنك اطلاقا ولم اسخر منك وهذا موطن قوة ..........
أما السخرية من اراء الاخرين المواجهة لرأى فهذا دليل
على الضعف والاستسلام

انت عايز تتكلم وبس انسحاب ايه احنا مش في حرب وتراجع ايه

انت عايز تتكلم وخلاص والفاضي يعمل قاضي



الحقيقه ان الانسان يعتقد انه حر التفكير ولا يعترف بوجود ذاك الاطار الفكري وكلما اصر على ذلك معنى انه متعصب زياده وانه عبد تفكيره ولا يمكن ان يرى ابعد مما يفرضه عليه اطاره الفكري



ابقي اقرا جيدا وبعدين رد قال انسحاب قال يا كوكووووووووووووووو

اعتقد ان موضوع الاطار الفكرى ده
انا قرايتة قبل كدة فى كتاب العلوم السلوكية للدكتور حامد طلبة
ومع ذلك ما علينا فى قصة قديمة احب اقولها لتبسيط موضوع الاطار الفكرى ده علشان كلام الكتب صعب شوية

القصة هى :
كان هناك فيلسوف جاء الية احد تلاميذة وسألة علمنى الدنيا يا استاذى
فقال الفيلسوف : أترى ذلك القصر البعيد
قال : نعم
فقال الفيلسوف : أذهب هناك وادخل القصر وأنظر ما بالقصر جيدا وأدخل كل الغرف واعرف كل التفاصيل بة
ثم تعال لى واحكى ماذا رأيت وهل استمتعت أم لا
قال : سوف افعل
قال الفيلسوف : لكن لن تذهب الى القصر الا بشرط
قال : ما هو
قال الفيلسوف : ان تمسك هذة الملعقة التى بها نقطة الزيت هذة وان تذهب الى القصر وترجع ولا تسكب نقطة الزيت ابدا
قال : نعم سوف افعل
فذهب التلميذ وقد غاب يوم واثنين الى 7 ايام
ثم عاد الى المعلم
فقال الفيلسوف : احكى لى ماذا رأيت ولماذا تأخرات كل هذا الوقت
قال : لم استطع أن اميز ماذا بداخل القصر من اثاثات او اي شى
فقال الفيلسوف : ولكنك اخذت وقت طويل جدا
قال : ذلك للأننى كنت احافظ على نقطة الزيت طول الوقت وكانت عينى طوال الوقت تنظر اليها
فقال الفيلسوف : اذن اذهب مرة اخرى سأعطيك فرصة ثانية ولكن حافظ على نقطة الزيت
فقال : نعم سوف افعل
فذهب التلميذ وقد غاب اربع ساعات ثم عاد الى المعلم
فسألة : ماذا رأيت
قال : رأيت اجمل ما فى حياتى
انة قصر لجميل بحق ما اجمل الغرف
ما اجمل اللوحات
ما اجمل الفاكهة فى حديقة القصر
ما اجمل الذهب والفضة
انة اجمل مارأيت فى حياتى
فقال الفيلسوف : وماذا عن نقطة الزيت
فقال : كنت انوى ان ارى كل شى لذلك لم انظر لها فسكبت منى على باب القصر
فصفعة الفيلسوف وقال لة اذن لن تتعلم الدنيا

ارجو ان تكون القصة تبسط معنى الاطار الفكرى
وشكرا

انتى على صواب
وانا لم اقصد التهكم والسخرية لانة ليس اسلوبى
واجوا عدم المغالطة والزعل من بعض افكارى لان فى النهاية ده حوار انا استفدت منة كتير جدا
وهذا هو المهم
واسف اذا كنت قد اخطاء التعبير

وانا لم اقصد التهكم والسخرية لانة ليس اسلوبى


وارجو ان تكون قد فهمت ان لكل واحد في المنتدي توجههاته وطريقته وليس مجبرا علي الانسياق خلف اي راي داخل المنتدي

وكل واحد يخليه في حاله

كل واحد بيحافظ على نقطة الزيت بالطريقة اللى يرتاح لها