يانعيش مع بعض حبيبى يااما ربنا ياخدك

يانعيش مع بعض حبيبى يانموت احنا الاتنين

والله ما عارف ابتدى منين بس انا حاسس ان بقى كله زاى بعضه حتى اليسا فقدة الامل فى الحياه

واخر ما زهقت قالت (يانعيش مع بعض حبيبى يانموت احنا الاتنين ) زماااان كنت الاغانى بدل على الحب واكنو بيغنو ويقوله

انا وانت ولا حد تالتنا انا وانت انا وانت وبس لكن الموضوع اتشقلب وبقيت يانعيش انت وانت ياابن الناس يانموت ونغور

فى داهيه بلا وجع قلب وحرقة اعصاب هى نقصه مش كفايه الواحد موش عارف يعمل حاجه هتيجى انت كمان وتقريفينا

وكمان كن الاول لما يحصل اختلاف كانو يقوله كل واحد يروح لحاله اومال دلوقتى لو حصل اختلاف تتفق مع حبيبها ايه رايك ياحبيبى لما نتسمم انا وانت وناخد سم فيران ولا نشرب علبة ريد او بريسول

ياجماعه انا حاسس ان الحياه فعلا بقيت صعبه جدا والشباب زهقت ومش عارفين يعملو حاجه ولا عارفين يحددو هدفهم ياعنى بمعنى اصح الوحد عايش وخلاص

حتى ياعينى الغلابه بتوع الثانويه العامه بينتحرو قبل ما يعرفو النتيجه حاسس ان الدنيا بقيت ماشيه بالمشقلوب

بقيت كل حاجه بتموت جوانا العيال ياعينى بينتحرو من دلوقتى لما يكون واحده عندها 15 ولا 16
سنه ومعندهاش امل فى الحياه اومال احنا نعمل ايه نروح نولع فى البيت ولا نصبر ونغنى اليسا ونقول ياعالم بكره ياحبيبى مخبينا ايه ولا هنغنى على ايه كفايه الوكسه على احنا فيها هنلاقيها منين ولا منين

ولا مشروع ابنى بيتك ال ابنى بيتك ال المفروض كانو يسموه ولع فى نفسك على شان تبنى بيتك

او اسرق وابنى بيتك هو ده الاسم الى يليق بيه

الشباب ياعينى فرحت وقالوه خلاص الحياه بقية وردى وهنبنى وشباب مصر كلها هتجوز يجى واحد مش باين من الارض يقعد يتحكم فيهم شويا طن الحديد ب 7 وشويا ب 8 والحلم راح وابتدية كل الشباب تسمع عبد الحليم حافظ وتغنى (كله راح كله راح راح راح راح راح ) وفجاءه

الحديد نزل وبقى الطن ب 3000 زاى ما كان وعمو عزال عمو ال راضى عن الشباب وادهم معونه زاى ما قال ووقف فوق المنصه

وباعلى صوته قاااااااااااال ياشباب ده مسمهاش معونه ده وجبى وحقكم عليا وده دينا الى لازم الكل يعرفه ان الغنى يدى الفقير

والشباب فرحت وهتفت ياعيش عز ياعيش عز وغنوله يتربى فى عزو احمد عزو سفروت ننوس ..........استووووووووب ال يتربى فى عزو ال اكتر من كده احنا مش بنقر احنا بنحقد بس

وابتدى الشباب تبنى وتجوز وبقى الحلم لسه حلم وخلفو كمان ما عز سعدهم بقى او احنا لينا ولا نقدر نستغنا عن عزو باشا ده

هو الكل فى الكل ده هو الى واكل وسارق تلت تربع البلد طبعا بالحلااال كله وكله بالحلاال وانا وانت والحديد ورقصنا ياعزو باشا يالى نهب البلد

وخلى الشباب ينتحر

المهم ان الشباب حاولت برده تحقق الحلم وقالوه خلاص بالاها الحديد بتاع عز باشا ونبنى بالحوائط الحامله

ولا عارفين ياخدو تصريح والى زاد وغطه كمان ان الحوائط الحامله غلية

طب انا عاوز افهم وحد يرد عليها يبنو بايه يقعدو فى خيمه ويريحو نفسهم ياعنى بجد حرام الى بيحصل ده

الشباب بقيت ماشيه دلوقتى بتكلم نفسها وبتلعن فى البنات مش قدرين على ال ............ جاى يشطر على ...........

وزمان بقى كان معروف عن الشعب المصرى ان روحه حلوه ويحب الضحك دلوقتى الوحد يقوم الصبح يشوف اى حد قدامه يحس انه شاااااااااااااااف عفرررررررررررريت اول ما يشوف مراته او امه يقولها اييييييييييييه مفيش فلوس بقة عقده عند الناس
واول ما ينزل من البيت ويركب ميكروباص يجى التباع ويقول اجره اول ما يقول اجره تلاقى الميكروباص كله نااااااام يجى

التباع يقوله يااستاذ اجره والرجل عامل نفسه نايم يقوم الواد ابنه ناطط على حجر ابوه ويقوله بابا ونبى ادفع انا يقوم ابوه

ببصله بصة افتراس كده عوز ياكل ابنه ويقوله ياابن ال .......... مستعجل على ايه فرحان اووى والا لو فى ست واقفه والله لو عملت ايه مش هقوملك هو انا ادفع وكمان اقوم

خلاص الشباب من كتر ما تعبة ومن كتر الى شفته مبقتش تحس حسه ان احنا بقينا نمشى لوراء حتى الاغانى الى بقينا

نسمعها بحس كده انها بترجعنا لوراء ايام عبد الحليم حافظ كان فى حماس كده وتشجيع فكرنى حلم لما كان بيغنى ويقول (القمر خدنا القمر لجزيره ابعد من الخيال لا شافتها عين ولا مرة في بال ياحبيبى وصلنا فوق فوق

اومال دلوقتى بنسمع اليسا وهى بتقولها بكل شجن وحب وتقوله

يانموت مع بعض حبيبى يانعيش احنا الاتنين

او اغنية شرين جابت من الاخر بجد اغنية تحفه

كانت بتغنى ل ل ايه قوله معايا اه افتكرة للى المفروض انه حببها

وقالتله مش هفضل كده على طول قد ما هاخد قد ما هادى المصيبه انها ولا هتعرف تاخد فابالتلى موش هتدى هتاخد ايه هتمص دمه مثلا اكتر ما عز والحكومه مهنيه ومخليا الشباب سعيده

لازم كلنا نهتف ونقول ياعيش عزو باشا ياعيش ياعيش ياعيش

تعيش ال...........تعيش تعيش تعيش

اشكركم وبكره نلاقى الشباب ماشي فى الشارع تقول عز عز عز عز عز عز عز وتصبحو على عزو باشا

والا لو حد قالك يتربى فى عزك

ايييييه انت بتقول عز عععععععععععععععععععععععععع يبقى انت الى هديت بيتنا ااااااااااااااااااه يابيتنا

حديد اية اللى انت بتتكلم عنة انت عايز تثير ازمة فى البلد ةولا اية الحديد موجود فى المستودعات وبرخص التراب لدرجة انهم بيوزعوا مع كل ب نص جنية عيش 2 طن حديد والعيش موجود والحديد مفيش اكتر منة تقوم تيجى تقولى حديد وعز
انت مفترى ده احمد باشا عز دة اللى مأكلنا ........... الشهد والدموع (قصدى والبقلاوة) انت مشفتوش فى اجتماع العصابة يوووهه (قصدى مجلس الشعب) كان عامل ازاى زى مرات الاسد
ياراجل دول عملوا قانون علشان خاطرة والله انت ظالمة كتير وبعدين انا هوضحلك نقطة الناس مش فهماهه اية هى بقى
هو الراجل خلى انتاج الحديد فى مصر فى ايد واحدة بس حشى لله انة يكون احتكار (واوعى تفكر فى الكلمة دى لاحسن اللى بيفكر فيها بيتحبس دلوقتى ) المهم هو أحتكر الحديد يوووووهه قصدى
ابتكر طريقة جديدة للانتاج والبيع وهى انة واحد بس اللى ينتج ويبيع لية علشان ميكونش فية لعب وكل واحد يحط سعر على مزاجة ومنع وجود المنافسات غير الشريفة والالعاب القذرة يعنى من الاخر الراجل بيريحنا بدل منتعب نفسنا واحنا بنشترى الحديد ونفكر نشترى حديد عز 1 ولاحديد عز 2 لأ هو خلى الحديد كلة حديد عز بس لا 1 ولا2 وسلملى وعلى التروماى
لفكرة
بشتغل فى حديد عز
اما بقى بالنسبة للاغانى المحبطة اللى بيسمعها الشباب يا رااااااااااااااااجل جت على دى خليهم يعرفوا يحزنوا شوية يعنى هو كل يوم كدة حب وتفأل وعمل لازم شوية حزن الفرح على طول مش كويس
وبعدين انت مسمعتش نجم وشمس وقمر وكوكب المريخ للجيل وهو مبسوط وبيعنى لو وقفتى على ايديكى وقعدتى تتطنطى ولا اغنيتة الجديدة حب مش عرف اية كدة دخل قلبى قفش
اهه الراجل متفأل على طول اهه والحب عنده قفش وسيرك وحاجات حلوة
المهم متركزش مع عمو عز تانى
وعز يا وز
وبشتغل فى حديد عز

طب واحنا هنفضل ننعى همنا كده كتير

فى ايه وحصل ايه فى الدنيا

ما بفوقوا بقى ويقوما من قاعدة القهاوى دى ويصحوا ويصحصحوا شويه لنفسهم

؟؟؟؟؟؟؟؟ وزبالة من اولها لأخرها ...يبقى الناس تصحى وتعمل حاجة

القهاوى كترت اوى فى مصر

وقعدت الشباب ليل ونهار على القهاوى والكافيه نت بقت زايده اوى عن حدها

طب بيتعلموا ليه وبيوجعوا قلوب اهاليهم ما كانوا خدوها من قصرها وقعدوا على القهوة من الاول

انا برأيي نبطل احباط ونبطل كسل ووخم ودلع وقرف

ونصحــــــــــــــــــــــــــــــى بقى وننحت فى الصخر ...دحنا شباب مش عواجيز

زمان القهوة كانوا بيقعدوا عليها الناس اللى طلعت على المعاش

دلوقتى والله عيب اوى اللى بيحصل ده

هنفضل مستنين الزبالة قصدى الحكومة تحل ؟ مش هتحل حاجة

انا بتكلم بحماس لانى تعبانة زيي زى كل الشباب وخايفة من بكرة

طب ما تيجوا نعمل اى حاجة ونحلها احنا

----------------

انا عرفت يا محمود دلوقتى سبب الكوسة اللى انت فيها ايه

اكيد من العز اللى انت فيه

وسلملى على الله لا يعزه

نايس توبيك يا ريس

انا عندي اقتراح للحكومة
يعملو مرحلة تانية بعد الثانوية العامة
على القهوة
واللي يقعد كتير على القهوة
يتخرج من القهوة بتقدير
اكيد الفكرة دي هتعجب الحكومة الوي
يسلام ............. كلية في القهوة
حاجة جامدة اخر حاجة

:afro: :afro: :afro: كبر الجى ونفض للدى :afro: :afro: :afro:

الازمه يا ريس مش فى عز

انتوا سبتوا كل حاجه وبقيت المشكله فى عز

الازمه الحقيقه فى البطاله مفيش شغل وبالتالى مفيش فلوس

مفيش عيش مفيش جواز ولا اسره

فى انحراف وخوف من بكره

على نفسنا وعلى اولادنا من بعدنا

مالها يا نموت يا نعيش ما عبد الحليم قال "انى اتنفس تحت الماء" محدش قال لسع ليه وتقبلنا ؟

احنا شعب يقدس الاموات من ايام الفراعنه ويقدس الماضى ايه المشكله لما تقول يا نعيش يا نموت بالعكس دا قمة الرومانسيه بقى ... انتوا مش فاكرين فيلم تايتنك ؟ مش كانت قمة الرومانسيه لما نطة من المركب عشان ترجع للحببها ؟ مش كانت برضه قمة الرومانسيه؟
العيب مش على عز لان الراجل عاوز فلوس وبيعلى ودا تاجر ... العيب بقى على اللى بيشترى وعلى اللى بيفتح الجرنال كل يوم على سعر الحديد عشان يرغى مع صحابه كمان حبه دا اللى احنا بنعمله لوك لوك...
اما بقى بالنسبه لنظام القهاوى التراكمى دا انا بيتهألى اقدم واحسن مجموعى!

انتو عاملين تتكلموا فى الحديد والاقهاوى وسيبين لحمة الحمير اللى الشعب بيكلها

نقرا الموضوع كويس الاول ممكن

يا ريس كل المأسى التى يعانى منها المصريون متصلة بعضها البعض
الاغانى الهابطة متصلة بأرتفاع سعر الحديد
وسوء مستوى التعليم مرتبط باللحمة بتاعة الحمير
والتلوث البيئى مرتبط انخفاض مستوى تفكير الحكومة
وقذارة الشوارع مرتبطة بأرتفاع مستوى سعر البنزين

يعنى من الاخر ال عايز اقولة ان كل المصايب اللى ربنا ابتلنا بيها متصلة ببعضيها
والسبب الرئيسى فيها هو احنا الشعب المصرى مش حد تانى
والمعنى فى بطن الشاعر

والمعنى فى بطن الشاعر