اللى شاف الريس عمر حرب يقولى

انا شوفت فيلم الريس عمر حرب للعبقرى خالد يوسف وخالد صالح بجد الفيلم ده فى رأى يستاهل جايزة اوسكار انا بطرح الموضوع فى المنتدى للناس اللى شافوا الفيلم وعايز نفتح نقاش حول الفيلم واية المقصود اللى كان الفيلم عايز يوصلة للناس ياريت اللى شاف الفيلم يتناقش معايا فية بجد الفيلم رائع والاروع الاسقاطات الرهيبة الموجودة فى الفيلم
انا مستنى فتح باب الحوار

فين الردود اية محدش شاف الفيلم

لا للأسف شوفت الفيلم

حسيت ان صالة القمار بمثابة اللى بيقولوا عليها ( جامعة الدول العربية )

جامعة من كل الجنسيات ويا ريتهم مجتمعين على حاجة خير والا حاجة صح

مجتمعين على الحرام والفاحشة

حسيت ان الريس عمر هو السيادة العظمى ( امريكا ) العالم العربى كله فى قبضة يدها

ده المقصود من الفيلم

عايزة بقى اتناقش معاك يا فيلسوف عصرك الفيلم عجبك فى ايه وانت نفسك قبل كده نقدت فيلم تامر

حسنى وقولت جايبين واحد بيشرب خمر وبيسكر ومش عارف بيعمل ايه .... وده اساءة للشباب

وقدوة هباب وكلام كتير انت قولته

ولما اتعمل نفس الكلام من هانى سلامة او اى بطل تانى عجبك اوى وعايز تناقش الفيلم

فكرة الفيلم واضحة طبعا

على اى حال الفيلم مش عجبنى وفى قلة ادب كتير

ده رأيي الخاص وانا مسؤلة عنه

اشطات يا مان

بقى انتى يا عهود عايزة تقارنى فيلم له مغزى وبيناقش قضية بنعيشها كل يوم بفيلم ساقط وتافهه و واحد كل شوية عمال يقلع القميص علشان فرحان بشعر صدره
لأ فى فارق كبير جدا فعلا زى منتى قولتى هو الريس عمر هو السيادة العظمى فى العالم لكن الكازينو هو الدنيا مش جامعة الدول الالمؤخذة عربية
والفيلم فى اسقاطات كتير حلوة بعيد عن المشاهد الجنسية اللى هى برده فى حد زتها اسقاط على الشهوه المسيطرة على عقول العرب واللى بتتحكم فيها طبعا انا مش مع المشاهد دى اطلاقا لكن هى وراها تحليل كبير
بس لما يكون انا بظهر فى فيلم حاجة مسيئة زى الخمر او الجنس علشان اطرح قضية معينة دا فى حد زاته اسقاط حلو بعيد طبعا عن الرأى الدينى
لكن لما اكون بوضح العرى والخمر والجنس عمال على بطال بدون سبب علشان اعرف ان بطل الفيلم ده راجل ولا رشدى اباظة فى زمانة يبقى ده اسفاف و انحطاط
مفيش مقارنة خالص بين الاتنين
انا عجبنى الفيلم فنيا وادبيا وفعلا كان بيقول حاجة وبيعبر عن وضع مأساوى بنعيشة فى مجتمعنا من سيطرة للمال والجنس والالعاب القذرة اللى بتتحكم فى مصير شعوب
وازاى برده ان احنا ببنضرب ونتشتم واحنا واكلين الجزمة فى افواهنا ومنقدرش نتكلم غير بأمر الريس
وبرده الاسقاط الرائع لأعدام صدام حسين واحنا واقفين نتفرج ولا كمان وبنترقى
طبعا فيلم فوق الرائع وأن كان مشاهد الجنس فية كتير وصريحة لكن فى النهاية بما ان الرقابة سمحت بده خلاص يكون فى اطار المشكلة مش فى اطار التهريج ولفكرة كان فى شباب كتير بتفرجوا على الفيلم فى السنيما ومحدش علق على المشاهد دى كتير لانهم فعلا انشغلوا فى التفكير فى رؤية القصة والفيلم واية اللى عايز يقولة الفيلم وده فى رأى انا عبقرية من خالد يوسف انه يخليك رغم الاغراء الجنسى الموجود انك تفكر فى القضية اللى بجد اللى وارا الموضوع
وتانى بقول مفيش وجهة مقارنة بين فيلم لتامر لامؤخذة حسنى وفيلم لخالد يوسف ده هابط فنيا وده على جدا فنيا
وشكرا لتعليقك

بيتهيألى ان المقصود من الكازينو القمار مش الدنيا

لاااااااااااا

الدول العربية فقط مش كل الدنيا بكل بلادها وده واضح جدا

والاقرب تشبيه ليه هو جامعة الدول العربية لاننا شوفنا فيها مثل هذه الاهانات وضرب بعض الرؤساء لبعض

او على حد قولك ممكن تكون المنطقة العبية ( الشرق الاوسط) لان كلهم كانوا عرب

ومش الدنيا كلها

المهم بقى تامر تعبك نفسيا ليه ؟؟؟؟

خالد يوسف عمل حين ميسرة وكان فى نفس الكلام اللى عمله فى الريس عمر

نفس الحكاية خيانة مشروعة

من الاخر يا عم انت السنيما العربية المصرية مش فيها غير الكلام ده

( جنس - خمرة - نصب - سرقة - رقص - خيانة )

وده مشوه صورتنا اوى عند الناس اللى مش عارفين المصريين كويس

ومش تامر اللى بيكتب قصص افلامه

وبس بقى مش لك دعوة بيه ودور على حد غيره تنقده

هو اى كان تصورك للكازينو اذا كان جامعة الدول العربية او غيرها ده تفسيرك وكل واحد ممكن يفهم الفيلم على كيفة
لكن برده هو فعلا يقصد الدنيا ( العالم اللى احنا عايشينة ) وفى واحد بس بيتحكم فية زى العرايس بتاعة المسرح
واسقاط الكازينو ده اسقاط لاسقاط تانى بمعنى ان الراجل برده لم يوحد فكرة الفيلم او يعنى خلى الجانب الاكبر من الفيلم على العرب لكن برده امريكا بتتحكم فى العالم لانة جاب مشهد الاجانب وهى بتعلب قمار على المكاينات اللى هو برده بتحكم فيها
اما بئه للمدعو تامر حسنى ده فابلاش احسن
علشان انا زهقت من الكلام علية

[size=29] [center]فيلم "الريس عمر حرب" يثير استياء الجمهور بمشاهده الجنسية الصريحة

وتدور أحداث "الريس عمر حرب" بالكامل في كواليس كازينو للقمار والبطل الرئيسي أحد العاملين في المكان الذي يحاول أن يثبت لمديره أنه الافضل بينما يكتشف في النهاية أن كل الأحداث التي عاشها بين صعود وهبوط مدبرة من المدير الذي يحرك الجميع وفق إرادته.
بمشهد ساخن.
اما رأي انا
فنحن لانسمح بالخوض في حواديت تضر المجتمع وتكون محشورة في العمل
يعني ليس بالدرورة اسقاط الضوء
بهذا الشكل الغير لائق
حتى ولو هذة الحقيقة
في ميت طريقة لطرح الموضوع
وبشكل محترم
المخرج تخطى كل الحدود الحمراء
والأخلاقية
عندما يتم اسقاط على مشكلة او موضوع
يتم ايضا المناقشة او عرض حل
اين المناقشة في الفلم
تم عرض الموضوع
من غير نقاش
وهذا هو النقص
الفني
الذي يتمتع به المخرج
ان هذا المخرج ينقصة الكثير
من ملاكات الفن
فاين الفن الذي يقدمة اين القدوة
هل الفن بالمشاهد الساخنة
هل هذا فن
اين اشاء كثيرة

لم يذكرها
هذا المخرج المغرور
حاجة تكسف
بجد
مخرج على ورق
يساوي مخرج
ح؟؟؟؟؟؟؟؟؟؟

مع احترامى الشديد ليك يا سيد وائل الا انك تسمحلى اقولك انك غلطان طبعا
لية بقى
لان الفيلم طرح قضية موجودة على الساحة العالمية وملهاش حل من عقود مضت هو الرجل عمل الاسقاط على احوال العالم ككل والمجتمع العربى بشئ من التركيز
قولى انت اية الحل مع امريكا او الريس عمر واحد فى ايدية كل خيوط اللعبة ومش سايب لاى حد ولو طرف خيط يحاول ان يلعب بية يبقى اين الحل
لكن لما اورى الاسقاط للناس ان حتى اللى انتو فاكرنيهم اعداء الريس هما عبيد عنده وتحت امره وان اللى انت فاكرهم اصدقاء برده هم عبيد له هو فى ايدية خيط الجنس والشهوة والمال والسلطة وهو عارف امتى يجيبك عن طريق الجنس او المال او القوة
كل دى اسقاطات الفيلم وضحها وعرى للناس حقيقة الريس عمر حرب او امريكا
لذلك هى القضية وحلها فى نفس الوقت هو عرض الحقائق وتعريتها للرأى العام
ديما حاول ان تفكر انك تنظر وارا اللى قدامك
او يعنى بص وارا المرايا فى اية اهو خالد يوسف عمل كده وارك نفسك فى المرايا وبعد كدة قلب المرايا وفرجك اية اللى واراها وده فى حد زاته اكتفاء زاتى للرواية فى طرح المشكلة وعرض الجوانب الخفية بها وفى نفس الوقت كشف الحقيقة للناس هو ده مغزى المراد من الفيلم
وتانى هقول :
انا من كتر منا كنت مركز فى الاحداث وفك طلاسمها فعلا
مهمنيش المشاهد الجنسية الموجودة فى الفيلم ومش انا بس معظم اللى كانوا موجودين كانوا نفس الحال
ودى عبقرية من المخرج انه هو شغلك بالرواية لدرجة انك مش همك يعنى اية مشاهد جنسية بل انت بتفكر هو المشهد بيعمل اسقاط على اية

معاك حق فعلا ..

الظاهر الافلام كلها بقت "فرفشة "
عشان بقيت بتجيب فلوس اكتر .. وبتعمل ضجة كبيرة اكبر

زمان كان الفيلم من دول الناس ترفض تدخله لدواعي اخلاقية
ومكنش بيخشه غير ناس معينه

حاليا المخرجين عملوا طفرة في الافلام دي ..
يصوروا فيلم "بورنو" كامل ... وبعد كدة يغلفوه بطابع سياسي اوقضايا مهمة زي الفساد او العشوائيات او غزو العراق مثلا
او ممكن يخلطوه بطابع ديني .. وده حنشوفه عن قريب

وتحياتي الي الاخلاق العالية

اولا : انا حابب اشيد باداء جميع النجوم في فيلم الريس عمر حرب الجميع بلا استثناء

كانت هناك مباره تمثليه رائعه جداااا

ثانيا : بالنسبه لمضمون الفليم والرؤيه الاخراجيه لخالد يوسف

انا شايف ان خالد يوسف عدا كل الخطوط الحمرا

خالد يوسف مقتنع بشئ في دماغه ومش قادر يتخلي عنها والمفروض ان احنا كمان نقتنع معاه

خالد حابب يقدم جميع صور الفساد بكافه انواعها في جميع افلامه

لو رجعنا لهي فوضي هنلاقي انه بيناقش فساد الحكومه
لو رجعنا لحين ميسره هنلاقي انه بيناقش فساد العشوئيات والطبقات الفقيره

واحنا طبعا منقدرش نتكلم ولا نص كلمه عن الافلام دي لانها افلام بتمس واقع ملموس بعينا
بل الواقع اسؤ من الاسؤ نفسه وبتناقش حالات ونماذج موجوده فعلا في المجتمع

انما فيلم الريس عمر هنلاقي انه بيناقش فساد اصحاب اللياقات البيضا زي مبيقولوا
وده عالم موجود فعلا في الحقيقه بل الواقع اسؤ مما قدمه خالد يوسف بكثير الكثير
ولكن السؤال هناااا ....!!!!!

هل يعتقد خالد يوسف ان هذا العالم الموجود في فيلم الريس عمر
يمثل طابع عند جميع الناس بانها حاله موجوده بالفعل ومنتشره بين جميع الناس

لو كان فاكر كده علي الدنيا السلام

لسه شعب مصر موصلش لدرجه ان يكون القمار شئ اساسي في حياتنا
عشان نتكلم عليه ونوصله للناس بالطريقه دي

علي الاقل لسه في جزء موجود من اخلاقيات العامه عند الناس بيحاولوا يحافظوا عليه وميضيعهوش

يعني لما ينقل نموذج زي ده للناس وتحت لافته للكبار فقط
فهل يعتقد خالد يوسف انه بهذا الشكل حل المشكله
بل بالعكس زادها سؤ لان الاطفال سيشاهدون ذلك
بل وسيببحثون عن هذا العالم الخفي عنهم حتي يشاهدون ما يحدث من خلاله

ثالثا : انا عارف ان المجتمع بتاعي منيل بستين نيله ياعم خالد يوسف
ومش محتاجه شرح شايفين بعنينا كل حاجه ومحدش بينكر
فايه لزومه المشاهد الجنسيه الواسعه اووووي دي
كنت ممكن توصل رسالتك بطريقه تانيه وكانت هتوصل
لازم يعني تنقل العالم ده بالظبط

كده مينفعش بجد يخالد انتا كده عديت كل الخطوط الحمراااا

سؤالي الاخير

قدمت الفساد بكافه انواعه يخالد يوسف

فهل هذا يعني ان الفيلم الجديد لحضرتك هيتناول قضيه قصه حياه فتاه ليل تحولت لراقصه

يا استاذ خالد
الفيلم تانى هقول انه اسقاط مش على الحياة الاجتماعية للاصحاب اليقات البيضاء فى مجتمعنا المصرى ولكنه اسقاط لمجريات الاحداث السياسية فى العالم فى الوقت الحالى لانه ببساطة كده مش كل الشعب المصرى يعرف يعنى اية صالة الكازينو لذلك هو كان بيرمز بالكازينو الى اللعبة الجارية احدثها فى زمننا هذا وهناك ومن يملك جميع خطوط اللعبة وهو الريس عمر او بالاسقاط هى امريكا
لانة ببساطة لو كان يقصد الاسقاط اللى انت تقصدة مكنش فكر فى الكازينو كان فكر فى حاجة فعلا تمس الشارع المصرى
اسف نقدك ناقص لانه اتكلم على اتجاه اخر غير اتجاه احداث الرواية

مع احترامي الشديد ليك يا استاذ محمود
هل انت مع الفيلم ام ضده؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا مع الفيلم وبعنف وعلى استحياء

مش فاهم انا عايز اجابه واضحه

مش عارف اية اللى مش واضح لو حضرتك قرايت كل تعليقاتى هتعرف انا رأى اية بالظبط لكن برده هقولك
انا مع الفيلم بشدة كعمل فنى رائع

اوك

الفيلم كقيمه فنيه لا غبار عليه سواء كان بالسقاطات الفنيه الرمزيه او الفنيه البحته ( كتصوير)
ولكن الفيلم اخلاقيا زي الطين
خالد بيه يوسف تجرا علي الاخلاقيات العامه والمبادي والقيم التي تسود مجتمعنا
خالد بيه يوسف هذا المخرج الذي تمكن من ادواته الفنيه والاخراجيه
نسي تماما اننا نعيش في مجتمع اسلامي
واصبح يتجرا علي كل شيئ ولم يعد هناك اي حياء لا في الدين ولا في الحياه العامه
واصبحنا نخرج من حين مسخره الي حين مدعره

الجنس لدي خالد يوسف اصبح مهما لتوصيل معاني هو ادري بها ويدعي اننا لو رفضناها
سنصبح جهله ومتاخرين حضاريا
اذا كانت الحضاره هي الجنس والدعاره والتلميح لها في كل وقت بداعي او من غير داعي
فعلي الدنيا اللعنه وابشركم بان الطوفان قد اقترب موعده مع

خالد بيه يوســـــــــــــــــــــــــــــــــــــــــــــــــــــــــــف

تانى هقولك يا استاذ خالد انه عرى الحقيقة للناس وكشف خيوط اللعبة القذرة للامريكان والجنس دلوقتى فى مجتمعنا العربى هو السلاح اللى بيستخدم لتدميرنا
ولا انتوا بتخافوا من الحقيقة

انا مش فاهم انت واخد موقف ليه ( علي فكره انا مخرج وانت تعلم ذالك)
وفاهم لعب المخرجين

منا عارف انك مخرج ومخرج قدير جدا واشهدلك بذلك لانى عارف اعمالك كويس
بس انا مش واخد موقف ولاحاجة انا بس بقول رأى فى الفيلم اللى فعلا عجبنى جدا لما به من اسقاطات سياسية واجتماعية بنعيشها

الاسقاط السياسي ليس باضروره ان يكون بالجنس
اسالك سؤال
انت ممكن تاخد زوجتك او اختك او بنتك تتفرج معاها علي الفيلم ده

انت وجهة اعتراضك على الفيلم علشان المشاهد الجنسية اللى فية ودى معاك حق لكن انا بقول وجهة نظر
وهى ان الجنس موجود دلوقتى لتدمير العرب وهو ده اللى كان مقصود من الاسقاط الجنسى فى الفيلم انا بتكلم على القيمة وليس الكيفية
لكن طبعا هى مشاهد الجنس فى الفيلم صريحة جدا
لكن بجد انا مركزتش فيها على قد مكنت مركز فى الاسقاط اللى وراها وده ذكاء مخرج
ولفكرة انا اتفرجت على الفيلم مع مراتى بس مكنتش اعرف بالمشاهد دى

ولو كنت تعرف كنت رحت معاها

لأ
بس مش معنى كده تراجع فى وجهة نظرى

اشكرككككككككككككككككككككككككككككككككككككككككككككككككككك

مع احترامي الشديد يا محمود ليك كل الناس على قدر كبير من المعرفة بما يحدث من احداث
الموجودة في العالم بما فيه من التخطيط الذي يستهدف العرب
الفكرة جيدة جدا جمع كل الخيوط في مكان واحد وانا معاك ان هذا ذكاء من المخرج المغرور دة
بس ذكاء بدون حكمة يبئى عبط وعبط شديد جدا ...... لانه كان يجب احترام ذكاء الشعب زي ما الشعب مطلوب منه احترام ذكاء المخرج نحن في مجتمع شرقي لو في حد منا بيستخدم الجنس فالباقي على قدر كبير من الأحترام والتدين مجمعش كل الناس واقول دي خطة على العرب
في نهاية قولي احب ان اقول الفن المحترم هو اسمى الفنون لان الفن يساوي القدوة

:cliparts-gratu

مع احترامى ليك برده يا اخ وائل الا أن اسف مش بتفق معالك فى وجهة نظرك لانى سبق وقلت انة من ذكاء المخرج خلى المشاهد ميركزش على المشاهد الجنسية بالصورة الغريزية قد مخلى المشاهد يفكر فيها بالصورة العقلية لما ورائها من اسقاط
ولفكرة انا مش بدافع عنه فى الموضوع ده لان انا ضد الاباحية الجنسية وانا سبق ونقدت اللى فرحان بشعر صدرة وكل شوية يقلع القميص ويمارس الجنس تحت مظلة الاب (فيلم عمر وسلمى ) لكنى بدافع عن الموضوع ككل كقيمة فنية عقلية باحتة ليس للشهوة اى دور بها
وارجو ان تكون الرسالة وصلت
وبعدين برده هقولك بص على حال البلد دلوقتى هتلاقى الشباب فى حالة سعار جنسى فظيع

لريس عمر حرب ........ فيلم دعاره اصلي

انت اله نفسك وانا اصطفيتك والكون ده كله بتاعي واسحقك لولا اني سمعت خالد صالح هو بيقول الكلام ده بعضمة لسانه كنت افتكرت اني داخل فيلم فرعون موسى مش الريس عمر حرب .

فالفيلم في مجمله لا يحمل قضيه ولا يناقش شئ الااذا اعتبرت قميص نوم سميه الخشاب و شفايف غاده عبد الرازق شئ يستحق النقاش
وحاول المخرج ان يبتعد عن اجواء فيلمه السابق والعشوئيات والفقر اللي ينكد لياخذنا الى الكازينوهات والكباريهات والغنى اللي يعقد وجعلك تشعر وكأن مصر ماهي الا ساحة قمار كبيرة .
خالد يوسف بعد ان استفز الناس بمشاهد سميه وغاده في حين ميسره قرر وان يستفز امة لا اله الا الله بفيلمه الجديد الريس عمر حرب والفيلم تدور قصته عن خالد (هاني سلامه ) الشاب الذي يعمل ديلر في كازينو ويعجب بشخصية المدير الريس عمر حرب ( خالد صالح ) ويقرر ان يقلده في كل شئ ويعيش في نفس الوقت قصة حب مع سميه الخشاب (حبيبه ) السيده التي تحاول انقاذ زوجها من السرطان وتلعب القمار من اجل الحصول على مبلغ مالي تتمكن منه من الانفاق على العمليه ويساعدها هاني (شهم) بادارته بعض العمليات غير المشروعه على ترابيزة القمار بمعاونة غاده عبد الرازق ( زينه ) التي بدورها تحب خالد الذي يكتشف في النهاية ان كل الاحداث التي عاشها في الفيلم هي من تدبير الريس عمر حرب وان الكل يتحرك وفق ارادته

والغريب ان الفيلم معجبش حد اصلا لحد دلوقتي برغم ان خالد يوسف بيقول انه عاجبه (مين يشهد للعروسه ) وكرر ذلك مع عمرو اديب في برنامج القاهره اليوم حى انه تفرغ للدفاع عن المناظر التي تضمنها الفيلم

كما ان الدخله الرئيسيه للفيلم مقتبسه بالكامل من فيلم كازينو (امير صاحبي قال كده بارده ) وهو ما اعتبرة هاني فوزي صدفه بين الفلمين نظرا لانهما نفس التيمه
قالوا عن الفيلم

الناقد امير اباظة عقب العرض قال انه ازعجه كثرة عدد مشاهد الممارسة الجنسية التي كان المخرج حريصا على ايجاد مبرر لها في الاحداث

والجمهور

فؤادالموصلى : عايزين تعملو ايه فى الشباب المقهور اكثر من كده حرام عليكم كفااااااايه ارحمو ظروفهم ومشاعرهم

احمد حسن : الأثارة الجنسية اصبحت مصدر الثروة للفنانين و المخرجين و المنتجين وضاعت الأخلاق وضاع الشباب ولا حول ولا قوة الا بالله

جمال المغربي : هدا الفيلم يعبر عن إفلاس المخرج و الممثلين و كافة العاملين .إنهم يريدو حياة الترف بأي ثمن و الله لن يسعدوا أبدا إلا إدا احترموا أنفسهم أولا و الجمهور ثانيا

محمد رمضان : فيلم ناجح كما عودنا المخرج الناجح خالد يوسف والمشاهد التي يتحدث بها النقاد هذه الايام هي موضة يقوم بها النقاد الذين تحولوا لدعاة لجماعة الاخوان المسلمين

جورج : انا مش فاهم هو ليه خالد عمل كدة في نفسه الفيلم فاشل جدااااااااااااااااا.. دة حتي الافلام الاجنبية مبتعملش كدة ... مفيش حد يوافق ان الشيطان ينتصر

انا هرد على الناقد الاخير وهقول
امريكا لحد دلوقتى بتنتصر رغم انها اسواء من الشيطان نفسة

[size=29]
هذا الحوار كان بين خالد ووائل ومحمود

[ندعوك للتسجيل في المنتدى أو التعريف بنفسك لمعاينة هذا الرابط] says:
خالد معنا
khaled says:
الو
[ندعوك للتسجيل في المنتدى أو التعريف بنفسك لمعاينة هذا الرابط] says:
محمود انت فين
khaled says:
الو
khaled says:
محمود
[ندعوك للتسجيل في المنتدى أو التعريف بنفسك لمعاينة هذا الرابط] says:
الو
[ندعوك للتسجيل في المنتدى أو التعريف بنفسك لمعاينة هذا الرابط] says:
استلم بئى
[ندعوك للتسجيل في المنتدى أو التعريف بنفسك لمعاينة هذا الرابط] says:
ايوة يا خالد باشا
khaled says:
الو يا حج
[ندعوك للتسجيل في المنتدى أو التعريف بنفسك لمعاينة هذا الرابط] says:
انا مستنى استلم اهه
khaled says:
اايه بقي يا عم
khaled says:
طز في خالد يوسف
[ندعوك للتسجيل في المنتدى أو التعريف بنفسك لمعاينة هذا الرابط] says:
مية مرة
khaled says:
مين بقي خالد يوسف ده
[ندعوك للتسجيل في المنتدى أو التعريف بنفسك لمعاينة هذا الرابط] says:
اه مين ها
[ندعوك للتسجيل في المنتدى أو التعريف بنفسك لمعاينة هذا الرابط] says:
انا مش بتكلم على الشخص
khaled says:
يكونش خالد قابل
[ندعوك للتسجيل في المنتدى أو التعريف بنفسك لمعاينة هذا الرابط] says:
ههههههههههههههههههههه
khaled says:
بص يا محمود
[ندعوك للتسجيل في المنتدى أو التعريف بنفسك لمعاينة هذا الرابط] says:
انا بتكلم على الفن
khaled says:
فن ايه
khaled says:
فين الفن
[ندعوك للتسجيل في المنتدى أو التعريف بنفسك لمعاينة هذا الرابط] says:
يا راجل
khaled says:
ايه الفن في السكس
[ندعوك للتسجيل في المنتدى أو التعريف بنفسك لمعاينة هذا الرابط] says:
خليك عادل
khaled says:
انا خالد
[ندعوك للتسجيل في المنتدى أو التعريف بنفسك لمعاينة هذا الرابط] says:
فن ايه يابني الي بيعتمد على الجنس ثم ايه حال البلد يعني الرغيف كبير
وبيحطو فيه مسامير عشان تسند معدتة الشعب ايه الغلط في كدة يعني
اتجاه قومي
[ندعوك للتسجيل في المنتدى أو التعريف بنفسك لمعاينة هذا الرابط] says:
لفكرة هو كان بيتكلم على المجتمع الدولى كلة وليس المصرى
[ندعوك للتسجيل في المنتدى أو التعريف بنفسك لمعاينة هذا الرابط] says:
الريس عمر هو امريكا
[ندعوك للتسجيل في المنتدى أو التعريف بنفسك لمعاينة هذا الرابط] says:
كوكوكو علة المجتمع كلة
khaled says:
يامحمود مش كل حاجه نقول عليها انها سياسه
[ندعوك للتسجيل في المنتدى أو التعريف بنفسك لمعاينة هذا الرابط] says:
لا اسف
khaled says:
اسف ايه
khaled says:
دي قله ادب
[ندعوك للتسجيل في المنتدى أو التعريف بنفسك لمعاينة هذا الرابط] says:
لو انت مفهمتش الفيلم على كده يبقى انا اسف معاك
khaled says:
انا شفت الفيلم
[ندعوك للتسجيل في المنتدى أو التعريف بنفسك لمعاينة هذا الرابط] says:
الفيلم مش كازينو وقمار
khaled says:
وعجبني
khaled says:
انا مخرج؟؟؟؟؟؟؟؟؟
khaled says:
ايه يا عم
[ندعوك للتسجيل في المنتدى أو التعريف بنفسك لمعاينة هذا الرابط] says:
الفيلم كلة اسقاطات سياسية
khaled says:
عارف
[ندعوك للتسجيل في المنتدى أو التعريف بنفسك لمعاينة هذا الرابط] says:
منا عارف
khaled says:
ده اسمه كباريه سياسي
khaled says:
اوك
khaled says:
بس الكباريه السياسي
khaled says:
له قواعد واصول
khaled says:
زي ايه
[ندعوك للتسجيل في المنتدى أو التعريف بنفسك لمعاينة هذا الرابط] says:
ايه
khaled says:
قولتلي
khaled says:
قولتلي ليه
[ندعوك للتسجيل في المنتدى أو التعريف بنفسك لمعاينة هذا الرابط] says:
محمود هو انت من الشعب
khaled says:
؟؟؟
[ندعوك للتسجيل في المنتدى أو التعريف بنفسك لمعاينة هذا الرابط] says:
اشمعنى
[ندعوك للتسجيل في المنتدى أو التعريف بنفسك لمعاينة هذا الرابط] says:
خلاص يبقى تناقش الي ينفعك بس
[ندعوك للتسجيل في المنتدى أو التعريف بنفسك لمعاينة هذا الرابط] says:
الي مينفعكش متعملوش
[ندعوك للتسجيل في المنتدى أو التعريف بنفسك لمعاينة هذا الرابط] says:
على فكرة اعمل بحث على النت وشوف راي النقاد اهم مش من دنا
[ندعوك للتسجيل في المنتدى أو التعريف بنفسك لمعاينة هذا الرابط] says:
انا لية وجهة نظرى الخاصة
[ندعوك للتسجيل في المنتدى أو التعريف بنفسك لمعاينة هذا الرابط] says:
انا بحترم وجة زظرك وانا على فكرة عجبني الفلم اوي
[ندعوك للتسجيل في المنتدى أو التعريف بنفسك لمعاينة هذا الرابط] says:
بس المفرود كان نقشة بطريقة تانيه
[ندعوك للتسجيل في المنتدى أو التعريف بنفسك لمعاينة هذا الرابط] says:
ولا ايه
[ندعوك للتسجيل في المنتدى أو التعريف بنفسك لمعاينة هذا الرابط] says:
الراجل ده عمل اسقاط على الحياة فى المجتمع العربى
بداية من لما احنا قولنا ان احنا اللى عايزين ندخل اللعبة والريس قال شروطة الظالمة
واحنا ماشى وسبونا نلعب على بعض وهما عارفين كل حاجة
وبعد كدة اسقاط اعدام صدام حسين لما بيقولة الكوتشينة اللى بيتلعب بيها كتير
لازم تتعدم وعدمها قدامه ولا وكمان رقى البطل وغير كده بردة بعت الجنس اللى العرب
قايمين نايمين بية وكان فاكر ان ده من وارا الريس لكن طلع ان الريس ه
[ندعوك للتسجيل في المنتدى أو التعريف بنفسك لمعاينة هذا الرابط] says:
هو اللى مظبط كل حاجة وفعلا انا واحد من الناس مكنتش مركز على مشاهد الجنس كمشهد سكس
ولكن كاسقاط وبفكر هو يقصد مين ولية كدة وعلشان اية يعنى مكنش عندى وقت ؟؟؟؟؟؟؟؟؟؟؟؟؟؟؟؟؟
[ندعوك للتسجيل في المنتدى أو التعريف بنفسك لمعاينة هذا الرابط] says:
وهى دى العبقرية فى الفيلم
[ندعوك للتسجيل في المنتدى أو التعريف بنفسك لمعاينة هذا الرابط] says:
وهى دى برده وجهة نظرى
[ندعوك للتسجيل في المنتدى أو التعريف بنفسك لمعاينة هذا الرابط] says:
انتوا رحتوا انتوا الاتنين فين
[ندعوك للتسجيل في المنتدى أو التعريف بنفسك لمعاينة هذا الرابط] says:
اقراء ردي على المنتدى مع النقاد وشوف
[ندعوك للتسجيل في المنتدى أو التعريف بنفسك لمعاينة هذا الرابط] says:
طب منا قريتة ورديت عليك
[ندعوك للتسجيل في المنتدى أو التعريف بنفسك لمعاينة هذا الرابط] says:
لاء دة مع الجمهور
[ندعوك للتسجيل في المنتدى أو التعريف بنفسك لمعاينة هذا الرابط] says:
وده ازاى
[ندعوك للتسجيل في المنتدى أو التعريف بنفسك لمعاينة هذا الرابط] says:
استني ثواني كمل مع خالد
khaled says:
يا محمود مصر ما بتبعش بنتها لراجل يزني فيها
khaled says:
ولا ايه
[ندعوك للتسجيل في المنتدى أو التعريف بنفسك لمعاينة هذا الرابط] says:
لو عايز الحقيقة اه
khaled says:
الحقيقه
[ندعوك للتسجيل في المنتدى أو التعريف بنفسك لمعاينة هذا الرابط] says:
ايه مفيش
[ندعوك للتسجيل في المنتدى أو التعريف بنفسك لمعاينة هذا الرابط] says:
ده مش بيحصل
khaled says:
لا
[ندعوك للتسجيل في المنتدى أو التعريف بنفسك لمعاينة هذا الرابط] says:
وبعدين احنا قلنا نبص على الرمز مش على الكيان المادى للمشهد
[ندعوك للتسجيل في المنتدى أو التعريف بنفسك لمعاينة هذا الرابط] says:
اقرا الجرايد
khaled says:
مصر حايشه بلاوي عن الوطن العربي
[ندعوك للتسجيل في المنتدى أو التعريف بنفسك لمعاينة هذا الرابط] says:
والراجل مقلش مصر بل بالعكس هو فى اسقاطاته خلى مصر هى البطل لكن للاسف بطل من ورق
[ندعوك للتسجيل في المنتدى أو التعريف بنفسك لمعاينة هذا الرابط] says:
وبعدين احنا مش بنزايد على وطنيتنا
[ندعوك للتسجيل في المنتدى أو التعريف بنفسك لمعاينة هذا الرابط] says:
ادخل بئى ياعم
[ندعوك للتسجيل في المنتدى أو التعريف بنفسك لمعاينة هذا الرابط] says:
انا رايح اتغدى ثواني وجي
khaled says:
لا بنزايد
[ندعوك للتسجيل في المنتدى أو التعريف بنفسك لمعاينة هذا الرابط] says:
انا مصرى وبحب بلدى قوى وممكن اخسر شغلى لو حد من الاجانب اللى بشتغل معاهم غلط فى بلدى
khaled says:
خالد يوسف بيغلط في بلدك
[ندعوك للتسجيل في المنتدى أو التعريف بنفسك لمعاينة هذا الرابط] says:
لا هو مش بيغلط هو بيوارينا الغلط فين
[ندعوك للتسجيل في المنتدى أو التعريف بنفسك لمعاينة هذا الرابط] says:
او بمعنى اصح بيعمل علية زوم
[ندعوك للتسجيل في المنتدى أو التعريف بنفسك لمعاينة هذا الرابط] says:
علشان نشوفة اكبر يعنى لما عمل العشوائيات فى حين ميسرة
مهى موجودة واوسخ من كدة كمان ولما عمل امين الشرطة ابن الواطى
مهو موجود بل بالعكس انا حسيت انا اتقبلت شخصيا
مع حاتم امين الشرطة ده قبل كدة ولما كشف اللعبة اللى بتتلعب علينا
وفتح الستارة وخلنا نشوف اية اللى وارا المرايا مش اية اللى قدمها
[ندعوك للتسجيل في المنتدى أو التعريف بنفسك لمعاينة هذا الرابط] says:
انت ووائل نقدكم لشخص خالد يوسف وليس لفيلم او عمل خالد يوسف
khaled says:
لا
khaled says:
انا بنتقد طريقه تعبيره عن رايه
khaled says:
النقد مش كده
[ندعوك للتسجيل في المنتدى أو التعريف بنفسك لمعاينة هذا الرابط] says:
اهو على الاقل بيطلع البلاوى بره علشان الكبار يعرفوا
khaled says:
الكبار عارفين والصغيرين كمان
khaled says:
يا محمود في قيم واخلاقيات وسلوكيات لازم المخرج يلتزم بيها
[ندعوك للتسجيل في المنتدى أو التعريف بنفسك لمعاينة هذا الرابط] says:
محنا عارفين
[ندعوك للتسجيل في المنتدى أو التعريف بنفسك لمعاينة هذا الرابط] says:
بص
khaled says:
وخالد يوسف عامل زي يوسف شاهين لانه تلميذه
[ندعوك للتسجيل في المنتدى أو التعريف بنفسك لمعاينة هذا الرابط] says:
انت معاك حق
khaled says:
تربيه خواجاتي
[ندعوك للتسجيل في المنتدى أو التعريف بنفسك لمعاينة هذا الرابط] says:
بس احنا هنا فى مصر فتحنا السينما على البحرى
khaled says:
ممكن الواحد يعبر عن رايه بشكل غير مستفذ
khaled says:
مش احنا
khaled says:
هما
[ندعوك للتسجيل في المنتدى أو التعريف بنفسك لمعاينة هذا الرابط] says:
يبقى خلاص استخدمها فى التوعية
khaled says:
التوعيه السليمه
khaled says:
الناضجه
khaled says:
الصحيحه
[ندعوك للتسجيل في المنتدى أو التعريف بنفسك لمعاينة هذا الرابط] says:
كل الافلام فيها سكس
[ندعوك للتسجيل في المنتدى أو التعريف بنفسك لمعاينة هذا الرابط] says:
بدون لازمة

[ندعوك للتسجيل في المنتدى أو التعريف بنفسك لمعاينة هذا الرابط] says:
راجع كدة فيلم زى عمر وسلمى
khaled says:
ده اللي بتكلم فيه
khaled says:
وبعد فتره هيبقي سكس رسمي
[ندعوك للتسجيل في المنتدى أو التعريف بنفسك لمعاينة هذا الرابط] says:
كل شوية بيقلع من غير لازمة علشان نشوف شعر صدرة
khaled says:
ههههههههههههه
khaled says:
ايه رايك نحط المناقشه دي في المنتدي
[ندعوك للتسجيل في المنتدى أو التعريف بنفسك لمعاينة هذا الرابط] says:
طبعا
khaled says:
اوك

[ندعوك للتسجيل في المنتدى أو التعريف بنفسك لمعاينة هذا الرابط]

زائر

كان نفسي أدخل هنا وأشوف حوار أنضج من كدة !!

من السهل جداً أن يعبر كل منكم عن رأيه الخاص وبهدوء .. دون الحاجة الملحة لإقناع الطرف الأخر برأيه ..
من أعجبه فيلم (الريس عمر حرب) فليقل رأيه ..
ومن لم يعجبه .. فليقل رأيه .. أو ليصمت !!
لا داعي لأن نقحم ثقافتنا العربية المعهودة في الحوار إلى هنا ..

أنا شخصياً لم يعجبني هذا الفيلم ..
ولدي أسبابي الخاصة ..
وبإمكاني طرحها هنا بكل بساطة وسهولة .. لكنها ستضيع حتماً وسط هذه الجلبة الثقافية ..
نوع أخر من الديكتاتورية الفكرية ..
(رأيي صواب ، ورأي غيري خطأ) ..
يا أخ محمود .. إن أعجبك الفيلم .. فهنيئاً لك على ساعتين ممتعتين هما وقت عرض الفيلم ..
والأساتذة الأفاضل الذين لم يعجبهم الفيلم ، عوض الله عليكم في ثمن تذكرة الفيلم ..

خالد يوسف هو مثلي ومثلكم .. لا يزيد ولا ينقص شيئاً ..
بل هو قدم ما اقتنع به .. ودافع عنه بقوة ..
فهلموا آيا مخرجينا وكتابنا ..
عبروا عما يدور في رأسكم ..
لديكم الفرصة سانحة ..

(تقبلوا تحياتي في أول مشاركة لي هنا ..)

كان نفسي أدخل هنا وأشوف حوار أنضج من كدة !!

ما هذا التعليق وما هو الحوار الناضج من وجة نظرك

يا اهلا بالسيد عرين الغضب
مرحبا بك فى المنتدى
اما بعد
هو انت لية داخل كده على طول ده حوار بنتبادل فية وجهات النظر لقضية فيلم مطروح على الساحة وكل منا لة وجهة نظرة يريد ان يوضحها للاخر وليس يفرضها على الاخر والاختلاف فى الرأى لا يفسد للود قضية
يعنى مش زى منتا بتقول وبعدين لو كل واحد عجبة الفيلم او معجبوش وكل واحد سكت بدون ابداء الاراء يبقى فين هنا الحوار والرأى والرأى الاخر
وعلى كل الاحوال بنرحب بيك مرة تانية

اولا ياسيد عرين الغضب انت ضيف علي المنتدي ولك احترامك الشديد
ولكن لي تعليق علي اسلوبك في النقاش
حتي وان كنت محق في تعليقك فانت ضيف علينا ولا تعرف اسلوبنا في النقاش
ولذالك فكان لابد وان تعي الموقف اولا ثم تقول رايك بكل ما تراه مناسبا سواء مع او ضد

[size=29]
ولكن من اول مشاركه
كان نفسي أدخل هنا وأشوف حوار أنضج من كدة !!

لو حد دخل بيتك وقالك كده هترضي
ومع ذالك اهلا وسهلا

[/size]