بسم الله الرحمن الرحيم
السلام عليكم ورحمة الله وبركاته
المشهد الاول
شاب يدعي مصلحي عبد الجبار يجلس في قاعة الانتظار في المطار منتظرا اعلان ميعاد اقلاع طيارته
يجلس مصليحي مفكرا في الثلاث سنوات الاخيرة من عمره
المشهد التاني
[مصلحي عبد الجبار لسه متخرج من الكلية وبعد 18 سنة متواصلة قضاها في خدمة التعليم والمذاكرة المتواصلة
حصل علي تقدير امتياز بس عشان في في دفعته ابن الدكتور فبالتالي لم يعين عمونا مصلحي معيد عادي جدااا]]
المشهد الثالث
مصليحي برده هو نفسه قدم في القوي العاملة وجلس ينتظر دوره شهر وشهرين وتلاتة قولوا يعني سنة
برده مصليحي مييأس وقال انه لازم يدور علي وظيفة في مجال خبرته وبرده دور شهر وشهرين وثلاثة
قولوا سنة كمان وبرده مفيش
المشهد الرابع
مصليحي برده اتخنق من الدنيا واللي فيها وقرر ينتحر بس ربنا هداه علي اخر لحظة وقرر مينتحرش
وهنا فكر شهر وشهرين وتلاتة قولوا سنة ولقي انه مفيش حل غير انه يسافر بره ويمشي من بلده
يااااه كل دي مشاهد كفاية كده مشاهد بس لو ركزتوا شوية مش هتلاقوا دي مشاهد هتلاقوها دي واقع ومش لواحد او اتنين ده لملايين
سؤالي هنا
ياتري الحل ايه؟؟؟؟
- هل هو الهجرة من البلد او بمعني اصح السفر للعمل بالخارج ؟ ولا - البقاء مع استحمال الوضع الحالي واستمراره؟
-هل البلد معدتش مكفيانا ؟؟
تقريبا كل اللي موجودين في المنتدي في كليات او اتخرجوا او علي وشك دخول الكليات
هل انتم شايفين ان مصر محتاجلنا ولا دي مجرد شعارات وخلاص؟
وهل لسه فيه امل في البقاء والمعيشة في مصر ؟
الرئيسية 
