!!!!!!!!!!!! تعالى نركب الميكروباص

السلام عليكم ورحمة الله وبركاته

الموضوع بيتكلم عن كل حاجه بنشوفها مع الميكروبصات

(( مثلا اول حاجه الشعارات اللي بيكتبوها ))

متبصليش يا عبيط أنا جايبها بالتقسيط

العين صابتني و رب العرش نجاني

م ن ق و ل

الحارس الله

عضة أسد ولا نظرة حسد

عايزينك يا بابا- أحمد و رشا

خدي بالك من الواد، انا نازل يا سعاد

إذا كان من الموت بد، فلتموت في سبيل من تحب

التدخين ممنوع

إذا كان من حقك أن تدخن فمن حقي أن أستنشق هواء نظيفا

مركز صيانه كريازى و كريازك و كريازنا كلنا 235979997ت

الأمورة هبه

الأمير محمد و البرنسيسة منار

الأجرة لو سمحت

سوق على مهلك يا بابا.

(( تاني حاجه بقي جيبلكم حوار داخل الميكروباص ))

ونبي يا أخوانا الأجرة مع بعض

الأجرة موحدة يا أخوانا إحنا بالليل

لسه فيه واحد مد فعش

حد ليه باقي

على جنب يا أسطى

الناصية الجايه يا ريس

ونبي أديله واحد يا خويا

خليهم أتنين معاك لو سمحت

خد أتنين من الجنيه وواحد من الخمسة جنيه

أبعت ربع جنيه ورا يا أسطى

الباقي يا أسطى عشان نازل

ونبي يا أسطى الربع جنيه دا مقطوع غيٌرة

حد معاه ربعين؟

معاك ربع و تاخد ُنص؟

حد عايز فكه 5- 10- 20

ثانيه واحده ونبي لما أنزل يابني

السواق :أنزلي يا حاجة براحتك

بيرد واحد من الركاب: ربنا يشفي كل مريض

ويبدأ الدعاء للسائق

متشكرة أوي يابني

ربنا يسهل لك طريقك يابني

ولله يا جماعه عليها أقساط

والمخالفات مبترحمش

ربنا معاك يا أسطى

قبل الكوبري معاك يا أسطى

قبل الكوبري ممنوع عشان فيه دوريه

يا جماعة اللي مد فعش ورا

كل العربية معاك

لسه واحد ناقص

ياخويا دا أبني و قاعد على حجري

دا واد صغير – عاوز أجرة عليه كمان

كل دا صغير يا ست- دا الواد في الجامعة اهو

يسمع منك ربنا ياخويا ويطلع دكتور أو
بشمهندس أد الدنيا

أيه يا أسطى- مش قلت لك على جنب

طيب يابيه مسمعتش

أنت أطرش ولا ايه

ليه الغلط يا افندي

انا اغلط زي ما انا عاوز

أنا أشتريك و أشتري عربيتك دي

خلاص يا جماعه صلوا على النبي

ماهو اللي بيغلط يا أخوانا- ولله مجيت جنبه

معلش يا أسطى

ولله يا أفندية الواحد مش عارف يعمل ايه للزباين

خليك أنت الكبير يا أسطى

وطبعا الاسطي يسكت

وفيه اللي مش بيسكت

:قوووووول:

ههههههههههههههههههههههههه
جميله ومرسى على الموضوع الجامد دا

نايس يا شلقم

موضوع دمه خفيف موت

:رقص وفرح:

هههههههههههههههههه
مرسى اد الجبل على الموضع الظريف دة
يعنى من الاخر زتووووووووووووووووووووووووووووووووووون :شكراً:

طبعا ده مش كل اللى بيحصل ده بيحصل لما يكون السواق محترم لكن لو مش محترم هيكون الوضع سيئ للغاية
وبرده هرجه واقول فى حاجات كتير اوى لازم البنى ادم المصرى يغيرها من جواه
واول حاجة احترام ادمية الاخريين وايضا خصوصياتهم
الموضوع جميل وفيه اسقاطات كتير يعنى اللى بيقرا الموضع لازم يحاول يحلله ويعرف ايه الجوانب الايجابية والسلبية ونتناقش فيها
يعنى معلش الردود تقربيا على اى موضوع درود غير هادفه
حاولوا لما يكون فيه موضوع ان احنا نتناقش بجد فية اكيد ممكن نتعلم منه حاجة مفيدة
وشكرا مستر فرى مان على الموضوع
واخيرا ارجو الموضوعية فى الردود

اوكى يا محمود عبد الشافى

افتح النقاش واحنا نتناقش فيه

ايه السلبيات اللى شايفها وايه الايجابيات اللى شايفها

مع انى مش شايفة اى ايجابيات فى الموضوع

على فكرة يا محمود عبد الشافى

احنا ناس مثقفين جدا ونعرف نتكلم فى اى مجال تحب تتكلم فيه

بس بجد الموضوع دمه خفيف ومش محتاج الجديه اللى انت بتتكلم بيها

دى صورة كلنا بنشوفها كل يوم فى مصر

واللى كتب الموضوع كتبه مش بغرض النقاش

لكن لو حبيت تتناقش فيه اوكى

افتح النقاش واحنا نرد عليك

عارفين ان دى صورة سيئة وتسئ لكل شعب مصر

بس كل واحد يبدء بنفسه الاول

لو عرف يصلح نفسه ويبقى انسان على خلق قيم ويعرف يقتدى بأخلاق سيدنا النبى الحميدة

يبقى اكيد هيأثر فى العالم اللى حواليه ويحاولوا يقلدوا

لكن مش ينفع نلوم على الناس واحنا جوانا بلاوى

فى يوم من الايام خطر ببالى حاجة جميلة خالص

لما لاقيت اغلب حالات الاغتصاب بتبقى من سائقى الميكروباص

واغلب الشعب المصرى بيعتبروا الميكروباص هى وسيلة الانتقال الوحيدة بالنسبه لهم

قولت طب ليه مش يبقى فى سواقين ميكروباص من الطبقة المتعلمة المثقفة

شباب كتير قاعدين على القهاوى لا شغل ولا فايدة واكثرهم من خرجين الجامعات

طب ليه الشباب دول مش يبقوا سواقين ميكروباص اشرفلهم من البطالة ويبقوا عالة على اهليهم وعلى المجتمع

وفى نفس الوقت نحد من سفاهة السواقين اللى احنا شايفنهم دول

اهى فكرة والسلام بس فين التنفيذ ......انســـــــــــــــــــــــــــى

البطالة فى نظرهم افضل من كلمة سواق ميكروباص

جاتهم القرف

والله قدها يا عهود :342: عليهم....................

مش عارف فى حاجة غلط فى المنتدى ده انا كتب رد لكن مظهرش مش عارف لية عمتا نكتبة تانى
الرد على الانسه عهود :
اولا انا مقصدش انى اققل من رد اى شخص لان ده مش من حقى لكن واجب عليه التنبيه سواء انا او اى حد غيرى
انا شايف فى الموضوع الكوميدى اللى بتقولى عليه مجرد موضوع دمه خفيف اسقاطات كتير
وجوانب سلبية وايجابيه
مثلا الايجابية ان سواق الميكروباص طلع ذوق ومردش بنفس الاسلوب بتاع الشخص الاخر اللى هو كان قليل الذوق ولفكرة لو احنا حللنا الشخص الاخر ده هتلاقى انه عمل كده نتيجة كبت جوه لانه مصدق حد يحكلة منخيرة وقام فاتح على البحرى الشخصيات دى منها كتير وانا بشوفها كل يوم
ليه لانه اكيد كان اساسا قاعد فى الميكروباص بيفكر فى البيت (الايجار - المياة - النور - جارة اللى مراته متخانقه مع مراته - مصروف البيت - مراته نفسها اللى منكده عليه عيشته وحياته)
او بيفكر فى الشغل ( مطحون والمدير كل يوم يسمعه كلام زى السم - ولسه النهارده مخصوم منه يومين وعمال يفكر يعمل ايه مهى المهيه على الاد - زميله اللى فى الشغل اللى عمال يديله زنب من تحت ل تحت )
ده كل وحده من دول موضوع نقاش
اهى كل الظروف دى مخليه عن الناس كبت وعايزة تطلعه فى اى حد والسلام
يعنى الموضوع ليه ابعاد اجتماعية كتير ممكن النقاش فيها والنقاش ده ممكن يعمل حاجات ايجابيه اكتر يعنى مثلا لو حد دخل على الموضوع وقراء الردود الهادفه وتأثر بيها وغير من نفسة واثر بالتغير ده فى كل من حوله يبقى احنا عملنا حاجة ذات قيمة من موضوع كان الاقصد فية الضحك والتريقه بالظبط كده زى مثلا المسرحيات اللى بيعملها العبقرى محمد صبحى بننتقد الظواهر السلبية للمجمتع فى صورة كوميدية علشان نتعلم منها حاجة مفيدة
يعنى اذن الموضوع فيه نقاط نقاش كتير جدا جدا
فهو ده اللى كان قصدى
وعموما براحه عليه شويه انا مش ادك والموضوع مش موضوع مناحره بين طرفين
ولا هو مسابقة مين اللى عنده ثقافة اكتر من التانى ولا انتى عندك جمهور بيشجع وخلاص ومش فاهم حاجة فى اى حاجة
وبعدين محدش يقدر يحكم على ثقافة التانى لان انا اكيد جاهل جدا فى حاجة انتى عارفها كويس جدا
ثم انى انا من الواضح من سنك اللى مكتوب فى المنتدى واللى معرفش حقيقى ولا لأ انا اكبر منك بحوالى 11 سنه يعنى انا لما كنت فى اولى جامعة كنتى حضرتك لسه داخلة اولى ابتدائى
وبالرغم من كده الا انى طبعا لازم احترم وجهات نظرك وارائك اللى هى فعلا كويسه واتمنى ان هى تتطور الى الاحسن ديما يارب ومش عايزك تزعلى منى ومن ارائى
واعرفى ان الأراء دى هى حرية شخصية للملقى وحرية فى الاستماع او القبول بيها للمتلقى
اه وحاجة كمان الى الاخت بنت فلسطين :
احنا مش فى خناقة دى مجرد وجهات نظر للعرض وليس للاعتراض
وشكرا

يعنى خلاصة كل اللى انت قولته ده كلمتين انا قولتهم

نبتدى بنفسنا الاول

نصلح نفسنا عشان نعرف نؤثر على اللى حوالينا

اما بالنسبة لسنى

مش هتفرق اذا كان ده الصح او اقل من كده

المهم ... معلش يا والدى بنتك الصغيرة وبتحب تدلع عليك

:P

المره دى هكتفى بلا تعليق

احنا ناس مثقفين جدا ونعرف نتكلم فى اى مجال تحب تتكلم فيه
وانا بكتب لاتعليق بصراحة بعد مكتبت رجعت وقولت لنفسى لأ لازم تقول اللى انت عايزة
واولا الانسة عهود شايف فى ردها استخفاف بتعليقى بمعنى عادى انك مضمفتش جديد
لو حضرتك بتقرى ما بين السطور هتلاقى حاجات كتير اوى اوى غير ان احنا نبدأ بنفسنا
وحتى لو انا مضمفتش جديد يكون التعليق برده فى صلب الموضوع مش نسيب الموضوع ونرد على بعض بخصوص انا قولت ايه وانتى قولتى ايه ولا ايه
ثانيا : الكلمة اللى فوق فى بداية تعليقى بتاعتة الانسة عهود احنا ناس مثقفين جدا ونعرف نتكلم فى اى مجال تحب تتكلم فيه
مفيش بنى ادم فى الدنيا يقدر يتكلم فى اى حاجة
طب انا عندى شوية افكار ومعلومات عن الفيزياء النووية وقرايت كتاب اينشطين والنسبية صحيح مفهمتش منه حاجه لكن عندى معلومات فية
حضرتك ممكن تتناقشى معايا فى النظرية النسبية لائينشطين
زى ما قولت قبل كده يا عهود الموضوع مش مناحرة بين طرفين
مين احسن من التانى حاولى ان الردود ميكنش فيها نفسنه والتحدث عن الذات
ثالثا : انا لما اتكلمت عن سنك مقصدش التقليل منك ولا حاجة بس انا اعرف معلومة بتقول ان الاكبر منك بيوم يعرف عنك بسنة
اخيرا كل الاعضاء اللى شافين انا بتكلمت غلط فى حقهم ارجو السماح وتقبولوا كامل اسفى

بالتأكيد لو قرأت الكتاب او قرأت عن النظرية النسبية لانشتين

بالتأكيد هقدر اتناقش معاك

ممكن اوى تعرض الافكار اللى فى النظرية ونتناقش فيها

كل واحد من وجهة نظره

انا بحب النقاش وفى اى مجال لان ده بيزدنى معرفة وعلم

حتى لو كان رأيى ضد الاراء الاخرة

اكيد هستفاد منهم الكتير

وعلم الحياة اللى احنا عايشينها هنطلع منها الف نظرية ونظرية

على فكرة انا مش بزعل من اى نقد عليا او على كلامى

لو زعلت يبقى انا مش عايزة اتعلم ولا عايزة افهم

وعلى فكرة كمان انا بحب اجادل او اتناقش او اتحاور مع اللى اكبر منى وده لنفس السبب اللى انت قولته

لانك تعرف اكتر منى بكتير ...وده مش عيب بالعكس انا مبسوطة انى بتحاور مع ناس مثقفة

وعندها علم ومعرفة اكتر منى

انما لو اتناقشت مع حد اقل منى معرفة يبقى مش هستفاد حاجة ...وهحس انى بفرد عضلاتى عليه

انت حد انا بحترمه جدا وبحب اتكلم معه واعرف رأية

ولو كنت معاك على طول الخط فى كل كلمة تقولها مش كنت هعرف اطلع الثقافة اللى جواك

ولا كنت هستفاد من كلامك

ثانكس

:222: