قبل ان اطرح موضوعى اتمنى من الله تفهم وجهه نظرى من كل من سيقرأ هذا الموضوع وان سمح بالاختلاف اذا لا قدر الله كان هناك اختلاف ( فى الرأى طبعا )
انا هاتكلم بكل صراحه كعادتى التى هى سبب فى كثير من مشاكلى
ساتكلم عن
1- الحجاب
كثيرا ما اشعر بانى لا انتمى الى هذا الزمن واشكثر ما يشعرنى بذلك هو الكدب البين والفاضح والعلنى وخصوصا وهو الكدب الاعظم ( كدبنا على نفسنا ) والادهى من ذلك اننا نصدق كذبنا
بنات مصر او ( علشان محدش يزعل ) قله قليله من بنات مصر ترتدى الحجاب لاسباب تربويه واسريه واجتماعيه بدون ان يشغل بالها اطلاقا النواحى الدينيه او الشرعيه .... ما علينا
والدليل على ذلك هو التناقض الفج حين ترى من ترتدى الحجاب تتباهى وتبرز باقى معالم الجسد والكثير منهم يفاخرون بانهم على الموضه باظهار منطقه اسفل البطن ( على الرغم من ارتداء الحجاب ( طب لابساه ليه ) اه يمكن شعرها ولامؤاخذ او يمكن علشان كلمه محجبه يعنى محترمه وسعات العريس بتفرق معاه الحكايه دى اوى فلازم تبقى محجبه على طول الخط ؟؟؟ ما علينا
2- النقاب
اه من النقاب ... ارجع واؤكد انها ( قله قليله ) من البنات مش كلهم يعنى شافو ان النقاب موضه وياسلام لو كان فى رمضان تبقى البنت دى من اولياء الله الصالحين ... طب اعملو بيه
انا مش بأحكم على واقعه واحده من المنقبات انا شاهدت بنفى عده وقائع لم اشاهدها من غير المنقبات وعلشان ربنا امر بالستر مش هاخوض فى التفاصيل
ولكن صدقونى الكثير والكثير ممن يرتدون النقاب لا يعلمون انه تكليف على النفس
وانه بقدر الزامك لنفسك بالزى بقدر ما يكون التزامك بالعقيده ولكن اغلبهم يستترون خلفه ... والله العظيم لى تجارب مهم كثيره ولكن للمره التانيه بلاش فضايح ....
3- الاسلام
ارجوكم ركزو معايا علشان دى كانت نقطه خلاف كبيره مع اكثر من منتدى
ما هو الاسلام
هل ابتعدنا عنه
هل نحن مؤمنين ام مسلمين
لماذا يتقدم الغرب ونحن عفوا نتأخر وربما اصبحنا فى ذيل العالم
هل ترى اننا متواكلون
هل ينبغى على المسلم ان يفاخر باسلامه دون ان يسعى للعلم والمعرفه والتقدم
دوله كافره دينيا مسلمه عمليا وعلميا مثل امريكا لا يتعدى عمرها ال 300 سنه تصبح الدوله الاولى فى العالم علميا واقتصاديا وعسكريا .... الخ
ونحن المسلمون مازلنا نسأل اسئله فى منتهى السخف بالماسدجات على شاشات التليفزيون مثل ( هل نتف جزء من الحواجب يعتبر حلال واللا حرام ) والنبى بسرعه احسن انا عملت فى الدنيا كل حاجه حلوه وتمام التمام مش ناقص غير الموضوع ده .....
اسف على الاطاله وكنت اتمنى ان اكمل الموضوع ولكنى سانتظر حتى ارى ردود الافعال
الرئيسية 
