الحب الاول

مين مننا مكانش فى يوم عاشق
مين مننا معشى الحلم وداب فيه ولاقى نفسه غرقان فى الحب
يمكن زميلته
يمكن جارته
اخت صاحبه
قريبته
بس حب عاشه وحلم بيه وسهر معاه وفضل يتمنى ويحلم باليوم اللى يكون فيه مع حبيبته
ورسم خطوط حياته وهيا جانبه نسى ظروفه نسى حياته نسى عيلته
راح ورى حبه وفى نفسه بيصرخ ويقول انا هاعمل المستحيل عشان الحب دا يعيش
لانه الامل والحياه بالنسبالى

اتغير طبعه مع الحب والكل من جانبه يقولوا فوق من اوهامك مش ينفع دا حب المراهقه حب الشباب
لازم ينتهى لازم يتنسى لازم يمر لازم يعدى عليك اصله زى المرض اللى بيصيب كل واحد مننا ولازم ناخد الجرعه منه بس ما بيكملش ما بيعش ما بينتهيش بالحياه
والبنت بتلاقى نفسها غرقانه فى حبها الاول واللى عمرها ما كنت تتوقع انها تعيشه لاقت نفسها فيه جواه بيعيش معاها وبيسكن قلبها وبتحلم بيه وبيبان عليها اصل العاطفه زى الضحكه زى الهمسه عمركوا ما تقدروا تمنعوها انها تظهر
كانت بتسمع ان صاحبتها بتكلم حبيبها وتستغرب قوى ان دا بيحصل بينهم وكمان لما تسمع انه بيقابلها تموت فى نفسها لمجرد تصورها ان صاحبتها بتعمل كدا
ولما تلاقى نفسها بتعمليه تعزر كل الناس
وفى النهايه ومع اول عريس جاهز
تلاقى الحب انتهى والحياه ابتديت من تانى
ومع الوقت اتنسى الحب
الناس كلها تقول انه احلى حب واصدق حب
يمكن يكون ليا ذكرى جوانا او جزء من ماضينا
تعالوا نتكلم ونفضفض
ونعبر عن حبنا الاول
تعالوا نقول ونقول كان قد ايه جميل
تعالوا نعرف ايجابياته وسلبياته
تعالوا نتعلم منه ازاى يكون الحب
لاننا فعلا محتاجين نتعلم الحب
تعالوا نفتح مجال للحوار
نرجع ذكراه تانى فى حياتنا
تعالوا نفرح اننا فى يوم عشناه
افتحوا قلوبكم فضفضوا اتكلموا
عبروا عن اللى حسيتوا بيه
وانتوا عايشين فيه
واللى مالوش فيه يسمع اللى عاشه يتعلم منه
هيا دعوه نفتح فيا قلوبنا ونفتكر ايام الحب الاولى
الحب الاول
ونتعلم عشان ما يجيش يوم ونقول وداعاا للحب

وادعاا للحب

:123: :123: :123: :123:

مع اطيب تحياتي وتمنياتي بقضاء وقت ممتع