انا بقول اخش فى الموضوع على طول ومن من غير مقدمه ......................
بس عايز اقول والله العظيم الموقف اللى حصل ده حصل فعلا معايا عشان محدش يقول انى بختلق الكلام ده
الموقف ده حصلى من كام يوم ............
وانا قاعد فى بيتى فى امان الله لقيت الباب بيخبط فتحت الباب لقيت بنتين حلوين واقفين قدامى سألونى شويه اسئله عن المشروبات الغازيه و كان معاهم صور للمشروبات دى زى بيبسى . كوكاكولا . ميرندا ..................... الخ وقالولى انت بتشرب ايه فجاوبت عليهم و بعد كده طبعا انا سألتهم وقلتلهم هو ده عن ايه بالضبط قالولى ده بحث عشان نعرف نحدد مستوى الدخل للمواطن ازاى بأننا نعرف هو بيشرب ايه من المشروبات الغازيه بصراحه انا صدقتهم وقولت زى بعضه حددوا
وفجأه
طلعوا من الصور اللى معاهم صوره لنصف زجاجه جديده مش عليها اسم الشركه وابتدوا يسألونى اسئله حلوه اوى زى ايه
_شوفت الزجاجه دى قبل كده
_ قولت لا
_ انت بتشرب بيره
_ قولت لا
_ ولا عمرك دوقتها
_ بردوا لا
هما بصوا لبعض بأستغراب وواحده فيهم قالتلى احسن بردوه
المهم انا استنتجت ان الصوره الغامضه اللى معاهم دى صوره لمشروب بيره جديده ولما ملقوش منى فايده قالولى ايه بقى ......
احنا دلوقت هناخد بياناتك و لما يتصل بيك حد و سألك عن بياناتك قولهم انى انا عمرى 21 وانا اساسا عمرى 20
ولو سألك انت بتشرب بيره قولهم اه
طب نوع البيره ايه قولهم بيره ستيلا .................
بزمتكم انتوا ايه رأيكوا فى البنات دى وياترى ممكن فى المستقبل نلاقى بنات بيطلعوه يخبطوا على البيوت عشان يروجوا للخمر
بقى هو ده حال البلد دلوقت انا بصراحه تفاجأت بالبنتين دول يعنى مش مكفيهم انهم بيروجوا للبيره لا عايزين كمان يخلوا الناس تكدب انا بصراحه مش لاقى كلام تانى اقوله وانا سايب الرأى ليكم انتم تحكموا فى اللى بيحصل ده
الرئيسية 
