مش عاوز حد يرد على الموضوع ده ! أعلانات وحاجات ..!؟

:o شركة البيت لإحتياجات البيت بإسعار تناسب كل بيت:o

دي جملة كانت بتتقال كل نص دقيقة لمدة نص ساعة تقريباً
في إعلان عن
كشاف و شنيور:suspect:
طبعاً مش فاهمين حاجة
أنا حفهمكم
أنا واحد من الناس اللى كرهت الإعلانات
لأنها للأسف بتزهق الزبون مش بتخليه عايز يشتري
و حديكوا أمثلة على نوعية الإعلانات دي
إعلان لمدة نص ساعة أول ربع ساعة كانت عن شنيور
آه و الله العظيم شنيور
كانوا راجلين عمالين يتكلموا عن الشنيور و بكلامهم
يحسسوك إنك لو إشتريت الشنيور ده حتشتري الدنيا كلها
لأ و أيه تخيلوا إن الشنيور معاه شنطة شيك و 14 بنطة هدية
يا سلااااااااااااااااااااااااااااام
و الأدهي من كدة بئي إن الشنيور بيخرم الخشب و الجدران
تخيلو !!!!
و كلام كتييييييييييير ملهوش لازمة
و على فكرة مفيش أى حاجة تميز الشنيور ده عن باقي الشناوير (جمع شنيور )

أما الربع ساعة التانية فكانت إعلان عن كشاف كهربا
بينور لما الكهرباء تتقطع
و نفس الراجلين كانوا بيعملوا الإعلان
بجد بجد أثروا فيا جامد جداً
إزاي بئي ؟؟
بيقولو لك تخيل لو إنك بالليل و النور إتقطع عندك
و لما جبت الكهربائي قال لك خلينا بكرة لما الدنيا تنور
حتعمل إيييييييييييه ؟؟
يا عيني حتفضل آعد في الضلمة
لأ طبعاً
دلوقتي لو إشتري الكشاف بتاعنا الدنيا حتنور
تخيلو ؟
إعلان جامد جداً مش كدة
لأ و في آخر الإعلان الراجلين قالوا
نقابلكم في الحلقة الجاية !!
ساعتها بابا قال لى أنا قلت لك من الأول
إنه مسلسل مش إعلان

ده نوع إعلانات و على فكرة ده إعلان كان على ....

ولا بلاش مش هاقول انها
قناة المحور لأنها قناة حلوة

في إعلانات تانية غريبة جداً
ذي مثلاً إعلان شركة عز الدخيلة
هو حديد عز الدخيلة ده مثلاً إزازة بيبسي
شوية رجالة طالعين يغنوا

و إعلانات تانية فيها جمل غريبة
:
زي مثلاً

مع بوتجاز.... الطبخ حيبئي متعة
( و من أمتى و الطبخ كان متعة ..البنات بقى هما أكتر ناس ممكن يفيدونا ويقول دى صح ولا غلط)

كريستال ...حتحبي الدنيا
(هو إزازة الزيت حتخليني أحب الدنيا !! )

تكييفات كارير قوة التربوكول و نقاء البلازما كلاستر
( 99 % من الشعب المصر ميعرفش يعني إيه الكلام ده )

- لا شئ يفوق الخبرة .. لا شئ يفوق الحياة مع كارير
- الحياة دايماً أحلي مع فودافون
( طب مين أحلي كارير ولا فودافون )

بيسون ... كلك حركات
( ما المقصود بكلمة حركات ؟)

و إعلانات تانية كتيير
و أتفرجوا على التلفزيون و إنتو تشوفوا

لأ أفتكرت مرة كان إعلان عن طقم حلل
بيقولو لك
حلة ممتازة ممكن تطبخي فيها البامية و كمان الملوخية
و كمان بردو البسلة

:affraid: :affraid: :affraid: بصراحة حلة لقطة:affraid: :affraid: :affraid:

اى ام ميدو وبس ..!؟

iiiiiiiiiiiiiiiiiiiiiiiiiiiiiiiii
هههههههههههههههههههههههههههههههه

ههههههههههههههههههههههههههه