عشان تحب صلعتك في كذا حاجة لازم تاخدها في الاعتبار:
1- الصلعة دي ملمح في شخصيتك و فورم بيميزك زي ما واحد حواجبو تقيلة و واحد مناخيرو كبيرة وواحد بؤو عريض.
2- في ناس بتدفع فلوس عشان يبقى شخص وشو في ملمح محدد يتحفظ من خلالها ويبقى مميز.
3- الصلعة ملمح رأيسي من ملامح الرجولة لان مينفعش تلاقي ست صلعة مثلا.
4-ممكن تشغل الصلعة بتاعتك و تستغلها:
* ممكن تعمل فيها تان.
*في ماطش المنتخب تعملها علم بدل ما تعمل وشك.
*لو بتحب واحدة ترسم قلب وترسم سهم جواه.
*لو قابلت نجم مشهور ممكن يمضيلك على الصلعة لو معاكش حاجة يمضيلك عليها.
*تلونها في شم النسيم.
*تكتب عليها جملة زي عربيات النقل (العين صابتني و رب العرش نجاني).
شفت ازاي تقدر تشغلها و في اوبشنات كتيرة
دا غير ان في ناس في التاريخ تميزو بصلعتهم:
1- في السياسة عندك انور السادات.
2- في الشعر عندك صلاح جاهين.
3-في الرياضة زين الدين زيدان و حسام حسن و وائل جمعة و ناس كتير.
*بس متفتكرش ان الصلعة دي زكاء او عبقرية مش شرط يعني ... زي ما اينيشتين بشعر..:)
* عموما انا اديتكو فكرة عن ازاي تحب صلعتك
الرئيسية 
