اعتراض ....انا احتج على اللى بيحصل ده

او يوضحلى

ازاى ادخل قسم انا مشرفه فيه عشان احذف صورة

غير لائقة ومش عجبانى ....ولا يمكن تعجب اى حد عربى مسلم

والاقى الرسالة الاداريه دى تطلعلى والصورة مش بتتحذف

(نأسف لكن فقط المديرون يستطيعون الغاء المواضيع والردود في هذا المنتدى)

يعنى انا كده مش ليا اى صلاحيه فى المنتدى ده

طب بقى حد يفهمنى معنى كلمة اشراف دى تبقى ايه

على ما اعتقد الاشراف فى المنتديات ....دى بتدى صلاحيه للمشرف انه يحذف او يعدل

اى موضوع متكرر او موضوع غير لائق او ردود غير لائقة

الرسالة دى بقى لمن يهمه الامر

وعلى فكرة انا مش بدور على القاب ولا اشراف

بس حاجه تحرق الدم لما يبقى اسم على الفاضى (مشرفة) ومش ليا اى صلاحيه الاشراف

ممكن رئاسة الموقع ترد عليا؟؟؟؟

الرساله دى موجهة

للملك / خالد قابل

الامير / وائل مدبولى

الامير/ محمود شاكر

واى عضو يدخل يقرأ اعتراضى لو عنده تفسير للبيحصل ده يفسرلى

سلام

كما يعلم الملك خالد قابل ووائل انى مش فارقة معايا القاب

وقولتها قبل كده كتير ...وابديت رأيي فى موضوع الانتخابات

وقولت اللى عايز يخدم المنتدى بيخدمه من حبه ليه على اعتباره انه بتنا اللى بيجمعنا كلنا ببعض

وقولت مش محتاجه لقب عشان اعمل حاجه لصالحه

لكن اى مشرف يضع نفسه مكانى لازم هيضايق

المهم ادخل انت احذف الصورة

فى قسم الصور

موضوع احمد المصرى

كرة القدم الصهيونيه

مما تحمله هذةالصورة من اساءه للعرب عموما والمسلمين خاصة

ده من وجهة نظرى الشخصيه

وطلبيت اراء الاعضاء على حذفها ....وتفضل محمد انور مشكورا بتأيدى للحذف

اما باقى الاعضاء ....؟؟؟؟!!!! مش عارفة فين

وعلى فكرة كمان عشان تعذرنى

انا اتحذف اشرافى من قسم صور الافلام

بالرغم ان القسم ده انا اللى اقترحت بعمله

وانا مش عايزة اشراف على اى قسم نهائى

شكرا لردك واهتمامك سمو الامير

بسم الله الرحمن الرحيم

ارجو منكى يا بنوته ان لا تنظرى الى الموضوع على انه مؤامره او بقصد.

فلقد دخلت على الكنترول الان وانتى موجوده مشرفه فى الكليبات والاغانى واخبار النجوم ولا اذكر الباقى .

اذاً ما كان ينقصك هو الصور وصور الافلام وبما ان الصور وصور الافلام فى مربع واحد فى الكنترول قد يكون اثناء التعديل والتغير حدث خطأ ما ولم ننتبه اليه ولذالك ارجوا ان لا تنظرى للموضوع من منطلق المؤامرات او المضايقات او غيرها مازلتى كمان انتى برنسيسة المنتدى ....

ولقد تم اصلاح (الخلل) وتستطيعى ان تعدلى المشاركات فى اقسامك الان ولن اقوم انا بمسح شئ فهذا عملك انتى ....

انا بحب المنتدى ده وهفضل احبه بالناس اللى فيه

ومش بصيت على انها مؤمرة خالص

انا بصيت على انها تجاهل لبنوته اختكم وانت عارفين انا بحبكم اد ايه

مازلتى كمان انتى برنسيسة المنتدى

مش لاقيه كلام اعبر عن احترامى وتقديرى ليك يا محمود

وميرسى على زوقك كتير كتير كتير

وانت اللى مجمعنا على الحب ده

شكرا لك كتييييييييييييييييييير

اه قصدك انها ام الدنيا يعنى

فهماك انا اوى ......مش كده

طب روح قسم الصور واتفرج على الصورة وانت تعرف ان معايا حق

على فكرة بردو مش حذفتها لان نفس الرسالة بتطلع بردو

ما علينا اللى يعرف يحذفها يحذفها

عشان يبقى المنتدى ده زى امريكا

مش بقولك فهماك يا مان

سلاحف

ما الفرق بين مصر ام الدنيا كناس

ومصر ام الدنيا كوطن

بس التاريخ بيقول.....جنة من غير ناس ما تداس

ده مثل اه .....بس اقصد ان ابونا ادم مش عرف يعيش فى الجنة لوحده

ربنا خلق منه حواء عشان تكون سكن ومودة ورحمه ليه

ومصر وطن بناسها

يا مواطن

منتدانا كوسة......لا يا راجل

ده بدنجان خالص

شكرا ليكي يابنوتة وشكرا ليك ياحسين مكنش دة العشم شكرا

وياريت الشات دة يبقى في صفحة الشات احسن وخلي الردود في المواضيع تليق بحجم الموضوع ياريت تخدو بالكم

وبدخل ارد بمنطقيه وبضيف معلومات لاى موضوع بدخله

واى حد يجادلنى فى حاجه برد عليه بأدله وبراهين من الكتاب والسنة

لو الامر احتاج

واكيد انت شوفت فى مواضيعك عن الخط العربى

انا ضفت للموضوع مش بس دخلت رديت ومدحت

او قولت كلمة تدل على انى حتى مش قرأت الموضوع

ومش بنوته اللى تتحاسب على ردها

لان ردودى افادة لاى حد يقرأها

انا لما بلاقى حد بيوجهلى كلام فى رد برد عليه بنفس الطريقة

اطلع بالصفحة لفوق وبنظرة منطقيه شويه وشوف انا بقول ايه

احنا فى منتدى يا وائل مش فى سجن

انت نفسك كنت بتدخل مواضيع ليا وبترد بسخرية

واحيانا بعلامات استفهام

ردك ده بقى اللى كان بيليق بحجم الموضوع

ادخل اى موضوع وذاكر ردودى لان فيها معلومات قيمة تفيد اكتر من الموضوع نفسه

انا مش بقلل من قيمة اى موضوع

بالعكس لو مش كان الموضوع يستاهل مش كنت رديت

وبدل ما تعمل فيها فارس الفرسان وتنقد على الملأ عشان الناس تصقفلك

اعمل الصح ....فى ايدك لوحة التحكم احذف الرد اللى مش يعجبك

وابعت رسالة لصاحب الرد وجهلوا العتاب واللوم على اللى عمله

زى ما بيحصل فى كل المنتديات

انا داخله عشان اشارك وارد واتحاور مع اخواتى واعرف ارأهم واعرف فكرهم واظن مش فى حد يقل اهمية عن حد اخر

شكرا على توجيهاتك سمو الامير

وعلى فكرة صفحة الشات مش بتفتح عندى

ولو كانت شغاله اكيد كنت وفرت عليك وعلى نفسى الكلام اللى قولته ده

انا كنت بتناقش مع الملك فى الموضوع ده امبارح وقولتله مش تزعل مننا

كلمنى بمنتهى الحياد والمنطقية والعقل

كما تعودت من جلالته

شكرا

احنا مش بنتخانق يابنوتة وانا مش فارس الفرسان ولا بعتبر ان المنتدى سجن ولا بنتقد انا اعرف جيدا انك عنصر مهم في المنتدى وبتضيفي مواضيع مهمة وبتردي ردود هادفة شفتي ازاي ممكن رد يزعل حسيتي ما بالك انا بقى بقى انا زعلت من رد مكنش يليق من عنصر اساسي زيك ... لما تعلقي تعليق زي دة انتي وحسين وتقولو ان المنتدى بقى كوسة وبتنجان انا بدافع عن بيتي وبيتك لا تعطي المجال لحد ان يستهزق على بتنا لان بتنا الي احنا كوناه كوناه بالتعب والجهد لازم ندافع عنة بدمنا رجعي نفسك يابنوتة هتعرفي انا قاصد ايه اخوكي وائل مدبولي......

ومش تزعل من كلامى يا وائل انت عارف انك غالى عندى انت وكل المنتدى باللى فيه

بس انت عارف انا برد على كل حد باحترام

وانا عارفه انى تجاوزت بعض الحدود فى الكلام

بس والله مش عندى شات

عشان اتحاور عليه مع اخواتى فى المنتدى

ارجوك اقبل اعتذارى

انا بردو اختك الصغنونه اللى بتحبك

سورى سمو الامير

وارجوك لو فى رد مش كويس احذفه

سلام يا قمر

عشان انا مش اعرفه؟؟؟

ممكن ....بليز :oops:

تم نقل هذا الموضوع




الاشراف -بنوته مصريه

تم نقل هذا الموضوع
الاشراف -بنوته مصريه