لاااااازم ننسحب !!!!

كاس القارات يا جماعه لازم و لابد مصر تلاقي طريقه أو اي حجه تخلينا منكملش في البطوله دي ...

أنا بقول كدا عشان سمعتنا الرياضيه قدام الأجانب اللي هنتفضح ان شاء الله قدامهم .

هي كاس أفريقيا حبيبتنا حلو أوي علينا .. ليه بقي الهرتله اللي بتحصل دي ؟؟

انتو عرفين يعني ايه هنلاعب البرازيل كمان كام يوم وحنا في الغيبوبه دي-(و حتي لو مش في غيبوبه)- ده هيبقي

انتحار للكره المصريه في ميدان عام(الاستاد).

أنا خايف من ال high score اللي هيتعمل علينا هيبقي زي الأرقام اللي بعملها علي اللي بيتجرؤا و يلاعبوني

play station :D:D

والله انا بطبعتي انسان مش متشائم .. بس هي دي الحقيقه للأسف الشديد قوي و كلنا عرفين ان 1+2=3 D: مفهاش

كلام..

انتو ايه رأيكو ؟؟

واللهى انا رأيى ان الشعب المصرى اكثر المستفيدين فى هذه البطوله
1- لواتفضحنا فى بطوله كأس القارات يبقى حسن شحاته حايتغير وانا شايف ان حسن اعطى كل ما عنده لان المنتخب عاوز دم جديد
2- لو ما اتفضحناش حاتبقى الروح المعنويه للاعيبه حاتبقى عاليه جدا
بس ازاى احنا اتغلبنا من الجزائر الفريق المتواضع3/1 ازاى يبقى المفروض ان حسن يقدم استقالته لان كده كفايه عليه

انا عكسك ممكن تكون كويسه ان الفريق يعمل معسكر كويس ويلعب بدل المتشه الوديه التعبانه الى بنعملها مع فرق غريبه زى تنزانيا وكوالالمبور وفرق منعرفهاش ونجبها نلعبها عشان نكسبها ونثبت انا كويسين ونهيص ونقول الفراعنه غلبو الفراعنه سو واتنيلو فكده احسن بس يارب ميفضحونا هناك يارب

يا صديقتى العزيزه احنا لما نخسر ده شىء اساسى المفاجأه ان احنا نكسب
البرازيل
ايطاليا
امريكا
نكسبهم ازاى لازم نكون واقعيين

فعلا احنا كنا غلطانين المنتخب المصرى اثبت فعلا ان المصريين لما بيحطوا حاجه فى دماغهم ما بتخرجش الا بالطبل البلدى رجاله مصر لعبوا ماتش جامد اخر حاجه وفعلا اهانوا المنتخب البرازيلى لدرجه ان عصام الشوالى المعلق وهو بيعلق على المباراه كان بيقول هو منتخب مصر لابس ايه اصفر ولا احمر
فعلا احنا منتخبنا جامد بس لرجع واقول انها كانت مفاجأه من العيار الثقيل
بس ارجع واقول احنا حنشيل من منتخب ايطاليا