وصفات للشعر فظيــــــعة ( مجربه بجد)

هاااااااااااااااى يا حلوين يا طعمين

ياللى شعركم خفيف

انا هنزل فى الموضوع ده بعض الوصفات اللى جربتها بنفسى

وجابت معايا نتيجة جميلة اوى

وكمان يا شباب مش تقلقوا

الوصفات كمان ليكم

============

اول وصفة واللى بجد تجن

وعايزاك يا محمود تجربها

وان شاء الله هتجيب نتيجه جامدة جدا معاك

الثـــــــــــــــــــــــــــــــــــــــــــــــوم

اه الثوم

مش توم اند جيرى والله

لا بصوا بقى مش عجبكوا من الاول مش هكمل

ايوه كده

بصوا بقى

الثوم فعلا له تأثير فعال جدا على فروة الرأس

والله العظيم بيجيب نتيجة جامدة جدا وبينبت الشعر

انا استعملته كتير

ريحته كريهه جدا

وبتفضل فى الشعر حتى بعد غسيله

بس المضطر يعمل ايه ؟؟

الطريقة
-------

هنجيب راس توم طازة يعنى مش توم مجفف بتاع السوبر ماركت

لا توم طازة راس نقشرها

ونفرمها جدا جدا لحد ما تبقى ناعمة ( فى المفرمة بتاعت البصل )

ونضيف عليها زيت زيتون مش كتير اوى يعنى

وندهن فروة الراس وندلكها باطراف الصوابع

ومش بالاظافر عشان الراس مش تتجرح

اوكى

وسيبها على شعرك اربع ساعات

الثوم يا جماعه هتحسوا انه بيحرق فى فروة الراس

ده عشان مكان الشعر الفاضى

واستمر عليه

مرة كل اسبوع

ويا ريت مش تخرج من البيت باقى الاسبوع عشان الريحه

:lol: :lol: :lol:

ويا ريت تغطوا الراس بالطاقيه بتاعت حمام الزيت

عشان تجيب مفعول تمام

-------------------------------------

ايه رأيكم؟؟

وصفة تانيه
--------------

انا بقول الوصفات اللى بجربها يا جماعة

يعنى نتيجه اكيدة

والحاجات دى مش منقولة

دى وصفات جدتى وماما

طيب؟

فى وصفة سهلة ومريحه اوى

زيت زيتون + زيت خروع + زيت لوز مر

يخلط الجميع

ويدلك فروة الراس لمده ربع ساعة

ثم سيبه على شعرك اربع ساعات واغسله

استمر عليه يوم بعد يوم

لو مش فاضى

يومين فى الاسبوع

لو مش فاضى

مرة فى الاسبوع

لو مش فاضى

مش تدخل هنا اساسا

-----------------------------

وصفة تالته
-------------

من تجربتى بردو

تسمعوا عن النخااااااع

ايوة النخاع

اللى موجود فى عضم اللحمة

عضم لحمة ايه بس

عضم الحاجة اللى بتدبح

ايوه هو ده

خدوا بالكم فى حاجات تانيه بتدبح

( حمير / خنازير / كلاب )

اوعوا تجيبوا نخاع الحاجات دى

هاتوا نخاع مضمون

سيحوا النخاع ده فى حمام مايه سخنه

يعنى ايه؟

يعنى تجيب ما يه سخنه على النار

وتحط النخاع فى وعاء اصغر من الوعاء اللى فيه المايه السخن

وتفضل المايه تغلى

لحد النخاع لما يسيح خالص

ويبقى زى الزيت

ونضيف عليه زيت زيتون

وادهن شعرك بيه

ويا لهويسسسسسسسسسسسسسسسسس على القرف

يقعد على شعرك بردو اربع ساعات

وبعد كده اغسله

هتلاقى مدهنن اوى

بس وانا مالى ما هو اللى كده

ده بقى بجد فظـــــــــــــــــــــــــــــــــــيع

-----------------------

وصفة رابعة
-----------------

الجرجير يا قمرات

عارفين الجرجير فظيع اوى

فى انبات الشعر ونعومته

هنجيب حزمة جرجير

ونغسلها تماموز

ونضربها فى المفرمة لحد ما تبقى ناعمة

ونحط عليها زيت زيتون

وندلك فروة الراس بيها

واستمرى عليها

هتجيب نتيجه هايــــــــــــــــــــلة

-----------------------

فى وصفة تانيه للجرجير

لطويل البال بقى

هنجيب الجرجير

ونغسلة تانى

ده غير اللى فوق

ونفرمه كويس

ونحطه فى زجاجة غامقة ونحط عليه زيت زيتون

ونسيبه عشرين يوم فى الزجاجاة دى

بعد عشر ايام نرج الزجاجة كويس جدا

ونتركها عشرة كمان

وبعد كده نستعملها

يوم بعد يوم

وادعولى يا بناتيت

ويا شباب

زيوت مفيدة للشـــــــــــــــعر

------------

زيت باراشوت

هايل جدا وفظيع

زيت دابر املا الاصلى

زيت الزيتون مفيد جدا جدا جدا فى كلللللللل حاجة

زيت الخروع

ده بقى كارثة بجد

زيت الخروع بيطول الشعر ويمنع تساقط الشعر

وجميل جدا للرموش اوى

وصفه للرموش
_______

هاتى عبوة ماسكرا قديمة

واغسليها كويس اوى خالص

وامليها زيت زيتون

وكل يوم قبل النوم ادهنى رموشك بفرشاه الماسكرا وكانك بتحطى ماسكرا

بعد فترة هتلاقى رموشك مقشات

طويلة مررررررررررررررة

-----------------------------

سورى يا جماعة

املى عبوة الماسكرا زيت خروع مش زيت زيتون

انا سرحت وانا بكتب

وحبيت اعدل مش نفع

المهم بعيد واكرر

زيت الخروع ممتاز لتطويل الرموش

ومفيد جدا للشعر
----------------

وصفة جامده جدا للشعر

------------------

حلبـــــــــــــــــــــــــة

عارفين طبعا الحلبة

حلبة مطحونه + زيت زيتون

ودلكى فروة الراس

ممتازة بتنبت الشعر وتكثفة

واستمرى عليها

---------------------

مجموعة زيوت اعمليها بنفسك
------------------------

زيت زيتون + زيت خروع + زيت لوز مر + زيت درة ( عافيه)+زيت باراشوت

اخلطى الجميع بمقادير متساويه

فى زجاجة واستمرى عليها يوميا

او يوم بعد يوم

اكلات مفيدة للشعر

-----------------

الجرجيـــــــــــــــــــــــــــــــــر

مهم جدا جدا جدا

والجــــــــــــــــــــــــــــــــــــــــــــزر

مهم جدا جد جدا للشعر

وطبعا الفاكهة والخضروات

وصفة من الفاكهة للشعر

-----------------------

هاتى موزة ويا ريت تكون مستويه

وحبة كيوى ايوة كيوى

اهرسيهم على بعض كويس اوى

ودلكى فروة راسك بيها

تنعم الشعر وتكثفة

واستمرى

اهم حاجة فى اى وصفة من اللى قولت عليهم

هى الاستمرارية

يعنى مش مرة وتزهقى

لااااااااااااااااااا

استمرى

فى وصفة جربتها من اسبوع

وعجبتنى اوى

---------------------

فلفل اخضر رومى

مقطع قطع صغيرة جدا

وضعيها فى زجاجة

وحطيها عليها زيت زيتون

وسبيها عشر ايام

وكل يوم رجيها

بعد العشر ايام استعمليها

يوم بعد يوم بردو

وهتلاقى شعرك ناااااااااااااعم وبيطول

استمرى

شكرا يا عهود على الوصفات الجباره دى

بس عايزه اسئلك سؤال

انتى جربتى الوصفات دى

أنا جربت الثوم بصراحة النتيجة حلوة
بس عندى مشكلة الرائحة جبارة
ومش عارفة اكمل الكرس كلة
ومش عايزة أضيف أى حاجة
عليها عشان المفعول بتاع الثوم لا يضيع

بنوته مصريه كتب:: شكرا يا عهود على الوصفات الجباره دى

بس عايزه اسئلك سؤال

انتى جربتى الوصفات دى

اه يا بنوته مصرية

جربتها كلها وربنا

والنتيجة ما شاء الله فوق الوصف

جربيها وعلى مسئوليتى الخاصة

فرجينيا كتب:: أنا جربت الثوم بصراحة النتيجة حلوة
بس عندى مشكلة الرائحة جبارة
ومش عارفة اكمل الكرس كلة
ومش عايزة أضيف أى حاجة
عليها عشان المفعول بتاع الثوم لا يضيع

فرجينيا حبيبتى

استمرى على الثوم وان شاء الله نتيجته مضمونة الف %

واى اضافة للثوم زى زيت الزيتون لا يمكن يقل من قيمته وخصوصا زيت الزيتون

اما بقى الريحه ففى حاجة سمعت بيها بس مش جربتها

مغلى البقدونس بيضيع ريحة الثوم

يعنى تجيبى رابطة بقدونس وتغسليها

وتقطعيها نصفين وتغليها فى ماء

ولما تبرد تشطفى بيها شعرك بعد الشاور بتاعك

جربى مش هتخسرى لان البقدونس بردو مفيد وبيدى لمعان للشعر

يععععععععععععععععععععععععععععععععععععععععععععععععععععععععععععععععععع

شكرا يا عهود
ان شاء الله أحاول أجربه

[ندعوك للتسجيل في المنتدى أو التعريف بنفسك لمعاينة هذه الصورة]

beebo كتب:: يععععععععععععععععععععععععععععععععععععععععععععععععععععععععععععععععععع

:confused: :confused: :confused:

بكرة لما تصلع هتدخل تاخد الوصفة وتقولى ميرسى يا عهود يا قمر

أل يععععععع أل

انت مالك انت اساسا

طيب
انا شعرى يتساقط حبة شوية
انا عاوز شعرى مش يتاسقط

قصة رجل حر كتب:: طيب
انا شعرى يتساقط حبة شوية
انا عاوز شعرى مش يتاسقط

استمر على وصفة الزيت الزيتون هيقوى شعرك ومش هيتساقط وهينبت الشعر اللى وقع ان شاء الله

:ويلكم 2:

والله انتى سكر يا عهود أجمل وأخف دم قابلتها فى حياتى ومش مجاملة والله.

الوصفات دى جميلة اوى وسمعت عنها كتير واعرف انها بتجيب نتيجة بس بعد فترة .
وبصراحة لما الشعر يتساقط بيكون اساسه نقص غذاء أو حالة نفسية مرت على الأنسان بتأثر على الشعر بسبب تآثير الجسم او ضعف مفاجىء على الجسم ولو حصل وتساقط الشعر يتقص منه شوية بيقويه .

بس كمان الزيوت بيتعمل منها حمام بخار مفيد اوى للشعر ويخليه ناعم وبراق ويمنع تقصفه ويطوله بسرعة .

العناية بالشعر مهمة بس للى عايز ضرورى هايدور ويلاقى كتير بس بصراحة اللى كتبتيهم يا عهود فى نظرى هما الأهم فى كل الوصفات.
شكراً يا حبيبتى على الموضوع الجميل دة وكمان اللى يقول يع على الوصفات اكيد هايجربها ولو حاجة منها وإلا ماكنش دخل يشوف الموضوع من الأول ويشكرك بس بينه وبين نفسه .

ربنا يسعدك يا حبيبتى وشكراً على تعبك.

:تسلم:

عهووووووووووود انا سمعت عن زيت اسمة الحشيش وزيت تانى كدا مش فاكرة اسمة ممكن تقوليلى اجيبة منين زيت الحشيش

وبعدين فى حاجة انا جربت زيت الخروع للرموش عشان تقيل كدا لما كنت بغمض عينى كان بيدخل جواها ومكنتش بشوف بوضوح وطلع السبب الزيت كان بيدخل عينى عايزة اجربة تانى بس خايفة لو عندك طريقة تانية قوليها لية